A conselleira do Mar, Rosa Quintana, destacou hoxe en Vilagarcía de Arousa o valor dos Grupos de Acción Local do Sector Pesqueiro (GALP) para reforzar o papel das mulleres no mar e darlle máis visibilidade. Neste sentido sinalou que as Estratexias de Desenvolvemento Local Participativo aprobadas pola Consellería do Mar “pretenden contribuír á promoción da igualdade entre homes e mulleres”.
Foi no marco do acto de constitución da Asociación de Mulleres do Mar de Arousa, onde a titular de Mar lembrou o apoio da Xunta aos GALP para o período de programación do Fondo Europeo Marítimo e da Pesca (FEMP) 2014-2020. Un período que conta cun investimento de preto de 60 millóns de euros para a súa execución, explicou a titular de Mar.
Ademais lembrou que en febreiro os GALP asinaron os convenios de colaboración para a execución das Estratexias de Desenvolvemento Local Participativo no período 2014-2020. Ao abeiro destas estratexias, os GALP desenvolven diferentes proxectos que inclúen actuacións destinadas a aumentar o emprego e a cohesión territorial nas comunidades pesqueiras e acuícolas. Ademais tamén fomentan o emprego feminino e contribúen a diversificar as actividades realizadas no marco da pesca e respecto doutros sectores da economía marítima. Así, na convocatoria de axudas deste ano, lembrou Rosa Quintana, aprobáronse un total de 99 proxectos por un importe de preto de 6 millóns de euros.
Por outra banda, Rosa Quintana felicitou á Asociación de Mulleres do Mar de Arousa polo seu traballo, “que levou a unir cun mesmo fin a mariscadoras, pescantinas, armadoras, bateeiras, redeiras, percebeiras ou empresarias do sector” e brindoulle o apoio da Xunta ao seu labor.
Mulleres do Mar de Arousa
A Asociación de Mulleres do Mar de Arousa nace dun proxecto do Grupo de Acción Local do Sector Pesqueiro Ría de Arousa (GALP 5). Este proxecto de creación da asociación iniciouse no mes de xullo deste ano e o seu obxectivo é promover a igualdade de oportunidades e reforzar o empoderamento de mulleres no mar, destacando o seu importante peso na economía pesqueira e na contorna social.
Foi baixo o título: Coñece os teus dereitos como consumidor, enmarcado nesta ocasión nunhas xornadas participativas nas que se abordarán neste mes de maio temas moi interesantes para o consumidor baixo o epígrafe "Consumo en Ruta" en colaboración coa Xunta de Galicia e da asoc. Xubilados Terramar. As próximas charlas serán os martes 20 e 27 de maio, no local social da asoc. de Xubilados Terramar, na Casa do Mar.
Co gallo do día das Letras Galegas, levarase a cabo un Obradoiro de oralidade das mulleres. Empregaranse as ferramentas do ciclo do ano e ciclo vital e farase percorrido polos cantares de tradición oral e os contextos nos que se producen. Branca Mª Villares Naveira dirixe este obradoiro; ela é docente de música tradicional galega na especialidade de canto e as percusións de man, con mais de 25 anos de bagaxe na investigación, tamén é divulgadora da tradición oral das mulleres galegas. Terá lugar este xoves, día 15 de maio no Salón de Actos do centro ás 16:30 horas. Máis información e matrícula: https://
Na presentación do cartaz participou o alcalde, Demetrio Salgueiro, acompañado das concelleiras Dolores, Cristina e Tamara e dos membros da Comisión de festas Benigno, Carlos, Borja e Dalmacio. Todxs convidan a veciños/as e visitantes a desfrutar deste día de alegría e facelo vestidxs de branco.
Este xoves 15 de maio, ás 20:30h na Libraría Bahía de Foz celebrarán as letras galegas coa presentación do libro 'Bóveda, memoria do lugar' a cargo do seu autor, Óscar Górriz. Trátase dun libro de recollida etnográfica e musical con textos e fotografías. Haberá tamén música de pandeireta arrufando a presentación. Ademais o venres haberá un 10% de desconto en todos os libros escritos en galego, para celebrar as nosas letras e promover a compra de libros na nosa lingua.
A mañá do domingo 18 Guía tu día organiza a ruta da Seimeira no concello da Pontenova. "Unha interesante andaina de 9km circular e de dificultade media ubicada na parroquia de Bogo, onde descubriranse as pintorescas aldeas de Vilarxurbín e Sanxés, varios miradores e a seimeira. Ademais das Fragas de Teixido e Sanxés que son espectaculares" comenta a guía. A xornada rematará cunha comida no restaurante O Lar de Balbina. O prezo da ruta guiada é de 10€ e 20€ a comida. O grupo está limitado a 20 persoas. Máis información e reservas no 654 99 68 57 ou guiatudia@gmail.com.
Na presentación, este luns, participou Leandro Quelle e Rubén Rubiños como membros da Asociación Equina A Medela, organizadora da feira, acompañados polo alcalde, Demetrio Salgueiro, e a concelleira de agricultura, Dolores Meitín. Dende o Concello de Xove convidan a toda a veciñanza e tamén a todos aos afeccionados/as ao mundo do gando a que se acheguen disfrutar dunha xornada familiar dende as 9.30, con importantes premios e sorteo dun poldro.
Bruno Arca, alumno de 1º Ciclo Medio de Cociña, acadou un 4º posto no Combiguru Challenge celebrado en Venecia os días 8 e 9 de maio. O concurso consiste en realizar unha serie de probas na APP da compañía, famosa polos seus fornos. Os seleccionados van a Venecia para participar no concurso no cal teñen que preparar un prato e unha sobremesa durante tres horas, sempre empregando os fornos da marca. Os dous días de concurso inclúen visitas guiadas pola cidade de Venecia e formacións con cociñeiros de prestixio como Paolo Casagrande, do Restaurante Lasarte de Barcelona con tres estrelas Michelin.
