Burela, 23 de xullo, 2025. Desde OPP Porto de Burela agradécese ao ministro Luis Planas que, en nome do Ministerio de Agricultura, Pesca e Alimentación do Reino de España, decidise recorrer a Sentenza do Tribunal Xeral da Unión Europea do 11 de xuño, na que se desestimaron os argumentos dos recursos presentados polo propio Reino de España e a OPP Burela, coa Xunta de Galicia como coadxuvante.
Esa sentenza desestimou os argumentos presentados desde España, tanto por administración como sector, en canto á desproporción provocada polo Regulamento de Execución 2022/1614, que aplica unha única metodoloxía para todas as artes de pesca, sen ter en conta o seu impacto real e diferenciado (do 16.500 km2 pechados á pesca, un 32% son zonas de posibles VMEs a protexer e o 68% restante é por usar o modelo do arrastre a todas as artes de pesca), e a falta de estudos de impacto socioeconómico sobre cada arte de pesca (impacto media de -32% do volume pescada pico por barco). Ambos os argumentos xa foran advertidos polos principais organismos asesores da Comisión Europea, como ICES e STEFC, debido á falta de datos e de estudos diferenciados por modalidades de pesca.
Este recurso de casación presentado agora polo estado español permitirá a todas as partes (Xunta de Galicia e OPP Burela) seguir participando no procedemento xudicial ata o final do mesmo, defendendo os argumentos que entendemos que o Tribunal Xeral non interpretou adecuadamente.
Por último, desde o porto de Burela ponse en valor a intensa colaboración das 3 partes (Ministerio, Xunta e OPP Burela) nos estudos e argumentos de defensa, asumindo o compromiso de seguir traballando na mellora dunha normativa que consideramos foi desproporcionada.
A partir das 12:00 horas poranse á venda 10.000 abonos ao prezo mínimo garantido, dispoñibles exclusivamente na web oficial do festival. Os prezos serán de 195 € para o abono normal e 295 € para o Pandemonium, con opción de incluír camiseta. A organización recomenda acceder puntualmente á cola virtual e lembra que as entradas deben adquirirse só por canles oficiais para evitar falsificacións. O Resurrection Fest volverá reunir miles de asistentes en Viveiro nunha das grandes citas musicais do verán.
O programa inclúe unha actuación vermú de A Requinta de Lampai ás 14:00, un obradoiro de baile tradicional ás 17:30, os cantos de taberna polos bares a partir das 20:00, pinchos para os grupos participantes ás 22:30 e unha foliada aberta ás 23:30. Os grupos interesados poden inscribirse no 605582624.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
Destacou o apoio da Deputación ao sector primario a través da Granxa Gayoso Castro, centro de referencia en recría, formación e innovación. O evento, organizado pola Asociación Pura Raza Cabalo Galego, incluíu o concurso morfolóxico de distintas categorías —ponis, cabalos do país, cruzados, percheróns, Pura Raza Galega e andadura serrada e chapeada— e unha exhibición de doma de alta escola con eguas de pura raza galega.
O corte afectará ao tramo que vai desde o principio da vía ata o punto quilométrico 0,900. Para facilitar a execución das obras, será necesario que non haxa vehículos estacionados nese treito. Os traballos, executados pola empresa Jose No Mantiñan E Hijos Construcciones, S.A., forman parte dun proxecto conxunto para a mellora e acondicionamento de varias estradas provinciais no municipio de Xove, cun investimento total superior aos 800.000 euros.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
