Burela, 24 de xaneiro de 2017. Este martes comezou a impartirse un curso para a acreditación de uso dos desfibriladores que o Concello ten repartidos por diferentes dependencias municipais. O obxectivo, segundo a Concellería de Deportes, “é cumprir coa normativa vixente nesta materia”.
O concelleiro Ramiro Fernández explicou que “hai tempo que se detectou que o material dos desfibriladores do Concello de Burela estaba caducado, nalgún caso dende o ano 2012. E automaticamente nos puxemos con este asunto e a día de hoxe todos os desfibriladores que ten o Concello en distintos edificios municipais están totalmente renovados e dados de alta no 061, xa que nunca se deron de alta, tal e como marca a normativa”.
O edil socialista dixo que “tamén detectamos que había xente que estaba a traballar todos os días nestas instalacións e que non tiñan as acreditacións necesarias para usar estes aparatos, e no día de hoxe comezou o curso para solucionar esta situación. No curso participa persoal municipal, e ampliouse esa formación a clubes deportivos de Burela para que todos teñan persoas formadas para actuar cando sexa preciso con estes aparatos”.
O tamén tenente alcalde informou que “este curso non se vai limitar a xente que non posuía a formación inicial para o uso dos desfibriladores, senón que tamén se vai dar unha formación de refresco, que é obrigatoria por lei, a outros traballadores do Concello que tiñan a formación inicial, pero non o refresco bianual, que tamén marca a lei neste aspecto”.
O concelleiro de Deportes quixo facer fincapé na importancia destas accións emprendidas polo equipo de goberno “xa que son aparatos que poden salvar vidas e todos os recursos que haxa que poñer por parte do Concello en temas de saúde para salvar unha vida van ser prioritarios para este equipo de goberno”.
Na impartición do curso participou persoal do 061, que son os responsables nesta materia na comunidade galega.
Este venres, 14 de agosto ás 20.00 horas, terá lugar a presentación do libro "Espiritualidad", unha longa reflexión sobre a dimensión espiritual do ser humano, levada a cabo por 8 autores de diferences orientacións relixiosas, no Local Social do Parque Concepción Arenal (antigo matadoiro) de Ferreira do Valadouro. Estará presente o autor-coordinador da obra Pepe Peinó.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
