Burela 14-1-17.O Pescados Rubén Burela quedouse sen recompensa no seu duelo ante o Palma Futsal que venceu por 5-2 no primeiro partido da segunda volta da Primeira División. Os baleares reencóntranse coa vitoria ante un conxunto mariñao que mereceu máis pero que non puido cortar a súa serie negativa, sumando a sexta derrota consecutiva.
Os baleares comezaron o encontro con moita intensidade e pronto inauguraron o marcador cun tanto de Eloy Rojas aos dous minutos de xogo. Co 1-0 e a iniciativa do xogo os baleares insistiron en busca do segundo que rendibilizase o seu fulgurante inicio pero os burelistas capearon o acoso local e co paso dos minutos foron igualando a contenda no xogo e tamén no marcador. Matamoros transformou un penalti no minuto 13, situando o 1-1 que premiaba a melloría laranxa. O partido estaba aberto e ambos conxuntos gozaban de oportunidades; Iago Míguez probou a seguridade de Nico Sarmiento e Tomaz atopouse co longueiro. O ritmo do encontro e a intensidade propiciou que ambos conxuntos chegasen ao tramo final do primeiro periodo co coubo de faltas completo.
O Palma Futsal foi o primeiro en golpear desde o dobrepenalti con Eloy Rojas de protagonista marcando o 2-1, minuto 14. Os mariñaos non baixaron a garda e ao bordo do descanso chegou a quenda para Matamoros desde o dobrepenalti. O killer burelés volveu a empatar o partido (2-2) e con este marcador chegouse ao descanso.
Na continuación a igualdade reinaba en Son Moix aínda que sen excesivas ocasións, Miñano evitou a mellor dos locais por medicación de Chicho. Sen demasiadas alteracións transcorría o partido ata que chegou a máis que rigorosa expulsión de Isi, minuto 28. Os colexiados amosaron a segunda amarela a Isi por supuestamente realizar incorrectamente o cambio ao saír da pista. Pouco despois o Palma logrou adiantarse de novo cun boa acción de Paradynski que situaba o 3-2, minuto 30. O Burela mantivo a intensidade e tivo un par de ocasións para o empate pero os baleares marcaron con fortuna o 4-2 por mediación de Chicho, minuto 37, e sentenciaron no último suspiro co 5-2 logrado por Paradynski.
Ficha técnica
Palma Futsal: Sarmiento, Vadillo, Eloy Vermellas, Joselito, Paradynski -cinco inicial- Attos, Tomaz, Diego Fávero, Chicho, Maico, Éder, Barrón.
Pescados Rubén Burela FS: Miñano, Isi, Iago Míguez, Renato, Matamoros -cinco inicial- Sergio Cora, Iago Rodríguez, Antoñito, Chano, Carlitos.
Goles: 1-0, m.2, Eloy Rojas; 1-1, m.13, Matamoros (pen.); 2-1, m.14, Eloy Rojas (dp); 2-2, m.20, Matamoros (dp); 3-2, m.30, Paradynski; 4-2, m.37, Chicho; 5-2, m.40, Paradynski.
Árbitros: Costa Sánchez, García Donas. No Palma Futsal cartón amarelo a Attos, Chicho e Éder. No Pescados Rubén Burela cartón amarelo a Matamoros, Carlitos, Antoñito e expulsaron a Isi por dobre amarelo e ao técnico Daniel Ibañes (m.32).
Incidencias: Partido correspondente á xornada 16 de Primeira División disputado no pavillón balear de Son Moix.
No acto, o autor estará acompañado por Xosé Ramón Veiga, profesor de Historia Contemporánea na USC, e por Francisco Villamil, profesor de Ciencia Política na Universidade Carlos III. A Galicia moderna (1880-1939) desmonta a visión tradicional dunha Galicia rural, atrasada e pasiva no cambio de século, e amosa a profunda transformación económica, agraria e social que viviu o país nese período.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
