Burela 11-1-17.O Pescados Rubén Burela FS non puido pechar a primeira volta con boas sensacións, caendo 6-1 na casa do Levante UD DM. Aos mariñáns pesoulles demasiado o electrónico en contra; no segundo período puideron traballar con firmeza pola remontada co 3-1 de Iago Rodríguez, aínda que as expulsións de Chano e Iago Míguez lastraron en exceso a tentativa.
Os burelistas tiveron que loitar co marcador en contra desde o minuto 7, cun remate de Emilio Buendía que perforu a rede tras pase diagonal de Cecilio. No minuto 13, Edu, nunha espectacular man, desbaratou o segundo dos locais, de novo nas zapatillas de Buendía; antes, no ecuador do primeiro acto, Iago Míguez dispuxo dunha perigosa ocasión para a igualada. A falta de 3 minutos para o descanso, os mariñáns optaron por xogo de cinco, tras o 2-0 finalizando Kiko Berrocal o contraataque iniciado por Lucho. Con todo, a aposta non acompañou os intereses do Pescados Rubén, que segundos despois encaixou o 3-0, de novo nun pase de Cecilio para Emilio Buendía.
Ata o minuto 27 resistíuselles a portería aos de Daniel Ibañes, que reduciron distancias con firma de Iago Rodríguez. Tan só un minuto despois o 9 laranxa volveu poñer en apertos o meta valenciano, aínda que sen éxito. Tras a expulsión de Chano, que viu a segunda amarela no 31, Emilio Buendía subiu o 4-1 no 33, no terceiro da súa conta particular, aproveitando a superioridade. Pouco despois, as filas laranxas volveron ser castigadas coa marcha de Iago Míguez aos vestiarios, tamén por dobre amarela. A falta de 3 minutos, volveu o porteiro xogador á pista para os burelistas; Renato intentouno de lanzamento cruzado, sen fortuna. Non erraron os locais, de novo nun inspirado Emilio Buendía (5-1, minuto 38), completado por Álex Oviaño (6-1, minuto 39).
Ficha técnica
Levante UD DM: Yeray, Lucho, Sena, Borja Milán, Pizarro, cinco inicial; tamén xogaron Cecilio, Emilio Buendia, Kiko Berrocal, Márquez, Tripodi, Álex Oviaño, Sergi
Pescados Rubén Burela FS: Edu, Iago Míguez, Matamoros, Iago Rodríguez, Antoñito, cinco inicial; tamén xogaron Isi, Chano, Renato, Hélder
Goles: 1-0, minuto 7, Emilio Buendía; 2-0, minuto 16, Kiko Berrocal; 3-0, minuto 17, Emilio Buendía; 3-1, minuto 27, Iago Rodríguez; 4-1, minuto 33, Emilio Buendía;5-1, minuto 38, Emilio Buendía, 6-1, minuto 39, Álex Oviaño
Árbitros: Juan Cerda // Martínez García (Colexio Balear). Por Levante, amarela a Tripodi (minuto 28). Por Burela FS, amarela a Iago Míguez (minuto 12 e 34), Chano (minuto 15 e 31)
Incidencias: Partido correspondente á xornada 15 de Primeira División LNFS disputado no pavillón de El Cabanyal
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
