Santiago de Compostela, 11 de febreiro de 17. O portavoz de Agricultura do Grupo Socialista, José Antonio Quiroga, vén de presentar unha serie de iniciativas parlamentarias coas que denuncia que a “miopía institucional” diante da praga da polilla guatemalteca pode provocar “danos irreparables” na produción de pataca galega. Os socialistas reclaman “un plan de actuación, axudas para o afectados e información para todos”.
O responsable socialista dirixiuse ao goberno galego para reclamarlle que “non sexa cómplice da incompetencia” demostrada polo goberno central ao retrasar durante meses un decreto de actuación contra esta praga, coñecida dende 1999. Alerta de que a lentitude administrativa “é a mellor axuda” a unha especie invasora agresiva, que pasou de afectar a un concello de Ferrolterra en 2015 a case 40 hoxe -31 en Galicia e o resto en Asturias-.
Quiroga quere chamar a atención do goberno galego para que tome a bandeira da loita contra esta especie diante da pasividade do Executivo central e “non repita o seu hábito de repartir responsabilidades entre o goberno e os concellos co único obxectivo de non facer nada”. O risco chega a tal punto, dixo, que “non nos podemos permitir xogos dialécticos entre administracións, debemos actuar xa, con contundencia e eficacia”.
Para iso reclámalle ao goberno galego que poña en marcha un Plan de Investigación coa Universidade e os centros de investigación que estime oportuno para desenvolver medidas axeitadas para controlar e erradicar a praga. Ademais, demanda as partidas orzamentarias precisas para atender aos afectados e cubrir danos futuros, así como unha campaña de información dirixida aos grandes e pequenos produtores.
Finalmente, sinala que o goberno galego debe dirixirse ao Executivo central “para solicitar de maneira urxente a publicación do real decreto que vai servir de base para enfrontar á praga”.
O responsable socialista urxe a “avanzar tanto na diagnose como no tratamento” con medidas que vaian máis alá da corentena imposta pola Consellería do Medio Rural, efectiva con relación aos grandes e medianos produtores pero dunha eficacia relativa debido aos milleiros de cultivadores para autoconsumo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas deste martes, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
