Burela, 10 de febreiro de 2017. Remataron as obras de valado na rúa Celso Emilio Ferreiro coas que se impedirá que a xente cruce pola vía do tren. Os traballos que visitou hoxe o alcalde, Alfredo Llano, foron realizados por Adif tras o compromiso acadado co Concello de Burela.
O rexedor lembrou que “había un compromiso con Adif de facer aquí unha obra en Burela na rúa Celso Emilio Ferreiro, co propósito de gañar seguridade na vía do tren porque pasa adxacente ao aparcadoiro e á rúa que hai alí. Tratábase de evitar que a xente cruce, sempre co medo de que pode pasar un tren e chegar a producirse un accidente”.
Llano explicou que “se fixo unha obra apalabrada con Adif e agora rematouse. Consistiu nun peche a través dun valado tanto por un lado como por outro da vía, para que teña unha seguridade total. Estivémola vendo e parécenos perfecta como quedou, xa está rematada. Ademais da seguridade, queda ben incluso esteticamente”.
Para o alcalde “queda moito mellor de como estaba a vía xunto a rúa, de tal xeito que podía pasar calquera persoa e podía ter un accidente ou mancarse incluso nas propias vías. Ademais para a seguridade do propio tren, co paso da xente había dous ou tres pasos que eran moi empregados e ían arrastrando pedra, que é o soporte que teñen as vías, de tal xeito que nalgún punto quedaba a vía ao aire, o cal significaba que en calquera momento podía haber un problema incluso para o propio tren”.
Alfredo Llano subliñou que “desta maneira gañamos en seguridade, en eficacia e tamén en estética, e polo tanto pensamos que é unha boa obra a que fixo Adif de acordo co Concello de Burela. Co propósito de que non cruce ninguén, agora xa co valado é imposible”.
O alcalde de Burela quixo “animar a toda a persoa que queira cruzar cara o outro lado da vía… se está paseando, ten a ponte moi preto e agora sería incrementar un pouco o paseo, serían 50 metros arriba ou abaixo. A lugar para cruzar agora a vía está moi próximo. Cruzar a vía será posible soterradamente porque hai unha ponte, pásase por debaixo,evitando ese paso por arriba que sempre é un risco tanto para o tren como para as persoas”.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas deste martes, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
