Villares reunirase cos apicultores cervenses para avaliar a incidencia da velutina e definir a folla de ruta para os vindeiros meses

Cervo, 4 de febrerio de 2017.- O alcalde de Cervo, Alfonso Villares, reunirase o vindeiro xoves, 9 de febrero, ás 19:00 horas, cos apicultores do concello con fin de avaliar a incidencia da vespa velutina nos últimos meses e comezar a traballar con previsión de cara a seguinte campaña.

O que pretendemos con esta reunión –sinala Villares- “é coñecer de primeira man a situación actual dos nosos apicultores con respecto a esta especie invasora, queremos saber se as actuacións que se levaron a cabo nesta liña, surtiron o efecto desexado e lograron minimizar o dano que a presencia da velutina está a provocar nas colmeas dos nosos veciños”.

Nesta xuntanza –engade- “queremos escoitar aos que sofren a súa presencia, e poñer en común os acertos e tamén as imprecisións que puidera haber nas campañas que vimos desenvolvendo nos últimos anos dende O Concello, porque esta especie era descoñecida para todos e, case sobre a marcha, tivemos que ir explorando posibles solucións para protexer as abellas e o valioso traballo dos nosos apicultores que se viu seriamente ameazado”. Nós queremos adiantarnos e estar preparados para tentar coller pola raíz este grave problema.

Deste xeito, o Concello retirou nos últimos catro anos case 500 niños, chegando ao pico máximo no ano 2015, cando eliminaron 288.
Sen embargo, gracias en gran medida ao intenso traballo dese ano, no 2016, retiráronse en todo o concello 66 niños “queremos por tanto continuar con esta tendencia positiva, e traballar dende xa nesa folla de ruta a seguir, poñer todo da nosa parte para que os nosos apicultores poidan seguir a desenvolver a súa actividade, que é un medio de vida en moitos casos, con garantías”.