A Mariña, 10 de marzo de 2017. A Mancomunidade de Municipios de A Mariña mantivo hoxe un encontro coa nova directiva da Federación de Comercio da Mariña. Acordaron traballar conxuntamente na promoción da comarca para atraer visitantes durante todo o ano e estudan a celebración dunha feira de turismo a comezos do vindeiro ano. No encontro mantido este mediodía en Burela tamén falaron de reclamar diante das institucións a sinalización da comarca na A-8.
O presidente da Mancomunidade, Alfredo Llano, indicou que “o encontro hoxe foi orientado a compartir responsabilidades e colaborar entre a Mancomunidade dos Municipios da Mariña coa FCAM co fin de mellorar aquilo que sexa atractivo para o turismo na zona. Estamos todos de acordo en ofrecer a comarca como xeodestino, como A Mariña, como un grupo compacto de concellos que realmente teñen moito en común e moito por separado, pero no seu conxunto son un atractivo extraordinario para o turismo. Polo tanto imos tratar sempre A Mariña como un xeodestino único”.
Llano contou que “tamén vimos que sería moi interesante ofrecer o plano turístico durante todo o ano, non soamente o que corresponde ao mes de xullo e agosto, que iso xa está máis ou menos asegurado, senón buscar a maneira de que durante todo o ano poidamos ter aquí xente. Imos ver as axudas que pode ofrecer a Mancomunidade neste tema, e procurar organizar eventos de xeito que sexa fluído o turismo durante todo o ano. Un turismo sen que sexa masificado, máis ben familiar e que todo o mundo poida integrarse en cada un dos pobos onde estean de visita e se sintan un máis”.
O presidente da Mancomunidade anunciou que “queremos facer un evento na Mariña onde se poidan explicar claramente os atractivos turísticos que temos, tanto os areais como a gastronomía, a cultura, a etnografía, o deporte, para ofrecer cara ao exterior un evento que imos concretar para poder realizalo posiblemente en xaneiro ou febreiro do ano 2018. Queremos facer unha feira exposición durante tres días de todo aquilo que poidamos ofrecer como destino turístico, para que todos os sectores se sintan reflectidos e desde logo moi aberto para que calquera persoa poida achegarse por aquí. Imos ter unha reunión o mes que ven e imos continuar durante todo o ano para fortalecer esta idea e que xa sexa unha realidade para o próximo mes de xaneiro ou febreiro”.
Alfredo Llano dixo que “tamén estivemos falando das infraestruturas porque de pouco serve traer turistas se non teñen boas estradas para comunicarse. Estivemos falando da sinalización dos diferentes concellos que conformamos a comarca da Mariña, por exemplo na autovía. Segundo hai outros lugares onde aparecen carteis indicativos de todos os concellos que conforman unha comarca, non nos explicamos porqué non aquí. Imos traballar conxuntamente dende a Mancomunidade e a FCAM para reclamar onde corresponda esta sinalización na A -8 e no resto das estradas. Tamén imos procurar para o ano que ven, sinalizar a comarca en tres idiomas co noso slogan, cando se entra desde Asturias, desde Lugo ou A Coruña sería interesante poñer carteis que especifiquen a comarca onde se está e en cada concello unha sinalización propia coas zonas máis atractivas”.
Llano considera que “a reunión foi moi interesante e pensando na importancia extraordinaria que ten a nosa comarca da Mariña nos aspectos económico, social, cultural, económico e de turismo. Penso que hoxe en día somos a comarca máis punteira na provincia de Lugo. Somos 80.000 habitantes e unha potencia económica e social, polo tanto hai que darlle a importancia que lle corresponde. Non podemos ter unhas malas infraestruturas. Non podemos contentarnos con oito quilómetros que acaban de inaugurar dunha vía de alta capacidade, como se xa estivera todo feito. Non podemos contentarnos co tren e hai que seguir sempre mellorando. A Mariña así o reclama e así o merece. Hai que procurar ter uns servizos acorde coas necesidades que hoxe temos”.
O presidente da Mancomunidade de Municipios da Mariña asegurou que “imos ir reclamar aquilo que consideremos que é bo para A Mariña, xa sexan infraestruturas ou servizos. Imos traballar man a man con aquelas organizacións que traten de mellorar o que poidamos facer no plano turístico. Imos estar con eles desde a Mancomunidade en todo aquilo que represente tirar no progreso e ofrecer bo futuro a aquelas persoas que estean vivindo aquí na Mariña. Vemos que noutras zonas estase traballando no seu desenvolvemento e A Mariña non pode ser menos”.
Polos micrófonos pasaron entre outras as concelleiras de Cultura e Turismo: Begoña Sanjurjo e Marta Saíz; o alcalde, Dani Vega; a pdta de Acisa, Carmen Cruzado; a dtra da Coral Polifónica de Ribadeo, Mari Carmen Rdez Cancelo; a pregoeira, María Xosé Porteiro ou Ángel Terry, membro do afamado grupo de son cubano, Estrellas de Buena Vista y más que foron os encargados de pechar o evento na xornada do domingo.
Nesta ocasión contará, ademais de cos anfitrións A Subela, como grupo convidado ao Grupo Folclórico e Etnográfico do Cimeiro, procedente de Soure, en Portugal, que participa dentro dun intercambio cultural. A organización destaca que será unha edición especialmente significativa e anima ao público a non perdela. Terá lugar o 18 de xullo, ás 21:00 horas, na Praza Conde de Fontao, de Foz.
María José Gómez, participou este sábado nos actos de celebración do XI Ribadeo Indiano.
Con este xesto, o Concello quere expresar o seu máis fondo pesar e trasladar toda a súa solidariedade e apoio ás familias das vítimas, ás persoas afectadas e a toda a veciñanza, compartindo a dor por esta inmensa traxedia.
No acto, desenvolvido no Teatro, interviñeron o alcalde, Dani Vega, e a presidenta de Acisa, Carmen Cruzado. O Coro Sagrado Corazón puxo a nota musical a esta primeira cita deste evento histórico cultural. A continuación foi a baixada ao peirao na compaña do enxebre cuarteto Illa Pancha e xa en Porcillán tivo lugar a chegada dos indianos a cargo do prestixioso Grupo de Teatro de Ribadeo. Gallaeia Small Band e Septeto To’ Mezclao amenizaron o peirao e o Campo de Francisco esta primeira xornada do Ribadeo Indiano 2026. 
Unha actividade marcada polo deporte, o compañeirismo e o bo ambiente. Na categoría Sub-12, os equipos gañadores foron Xove Fútbol Praia, Viveiro Celtic e Sanci FC; en Sub-15, Cachupa, Wachines e Encueradores; en Sub-17, Hamburguesas FC, EnlaDepor e Wachines; e na categoría Sénior, Hamburguesas, La Org e Motototo. As medallas foron entregadas pola alcaldesa de Cervo, Dolores García Caramés, quen felicitou os equipos e agradeceu a participación das persoas inscritas, das familias, do público e dos colaboradores, destacando que fixeron posible unhas noites de fútbol praia inesquecibles. A programación deportiva continuará a semana do 20 de xullo coa celebración do torneo de Fútbol 3x3.
As persoas interesadas poderán presentar a súa solicitude ao longo desta semana nas oficinas municipais do Concello de Trabada. O alcalde de Trabada, Rubén García, explica que “desde o Concello queremos dar a máxima difusión a esta convocatoria para que todas as persoas interesadas poidan presentar a súa solicitude e formar parte desta bolsa de emprego”. Desde o Concello animan a todas as persoas interesadas a presentar a súa solicitude dentro do prazo establecido, co obxectivo de garantir a correcta cobertura deste servizo municipal durante o período vacacional.
