Lugo, 20 de marzo 2017.- A Consellería do Medio Rural apoiou aos consellos reguladores da provincia con axudas que sumaron máis de 557.000 euros o pasado ano para “consolidar a industria agroalimentaria baseada na calidade”.
Así o expuxo hoxe o delegado territorial da Xunta, José Manuel Balseiro, nunha xuntanza de traballo que mantivo con representantes das sete denominacións e indicacións xeográficas protexidas con sede en Lugo.
Balseiro convocou aos responsables do Consello Regulador Agricultura Ecolóxica de Galicia, José Antonio Fernández; da Denominación de Orixe Ribeira Sacra, José Manuel Rodríguez; da Denominación de Orixe Protexida do Queixo San Simón da Costa, Daniel Pérez; da Denominación de Orixe Protexida do Queixo do Cebreiro, Enrique Fernández; da Indicación Xeográfica Protexida Pemento de Mougán, José Luis López; a Indicación Xeográfica Protexida da Faba de Lourenzá, Gema Iglesias; e a Indicación Xeográfica Protexida do Lacón Galego, Abel Yáñez.
O delegado destacou o labor que realizan estas entidades na protección dos produtos que representan, velando por que se respecten a calidade das materias primas e os métodos tradicionais de elaboración para, en definitiva, engadir valor, gañar en competitividade e procurar maior rendemento económico e social para o territorio no que se asentan.
Na xuntanza, os participantes valoraron as liñas de cooperación da Administración autonómica cos consellos reguladores, dado que a Xunta desenvolve accións tanto de control do produto como de promoción e difusión, ou mesmo de investigación e protección da calidade diferencial dos produtos amparados por indicativos de calidade.
Programas de axuda
A Consellería do Medio Rural desenvolve diversos programas de colaboración cos consellos reguladores. Así, xa está en marcha a orde de subvencións para programas de calidade desenvolvidos por consellos reguladores das denominacións de calidade agroalimentaria, que no último exercicio supuxo un orzamento de 72.102 euros para Lugo. Do mesmo xeito, proximamente publicará a liña de axudas para gastos de funcionamento, que distribuíu 137.261 euros entre as entidades citadas na pasada convocatoria.
Igualmente, a Consellería mantén unha terceira liña de apoio, neste caso dirixida tanto aos consellos reguladores como ás entidades asociativas sen ánimo de lucro en que participan produtores implicados nalgún programa de calidade diferenciada dos alimentos. En base a este programa, os consellos reguladores recibiron o pasado ano 348.153 euros.
Pero ademais, recibiron axuda ao abeiro desta convocatoria a Asociación de Queixeiros de San Simón da Costa (21.013 euros) e o Clúster de alimentación ecolóxica de Galicia (28.774 euros).
Balseiro escoitou ao sector e amosou a disposición da Xunta para seguir traballando pola defensa destes produtos “que representan a calidade alimentaria galega”.
Para concluír, o delegado engadiu que “as denominacións de calidade apuntalan o noso sector agroalimentario: propician a organización e traballo integrado dos produtores e o xurdimento de industrias de transformación, e favorecen o dinamismo da zona e a xeración de riqueza”.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
