Burela, 15 de marzo de 2017. O alcalde, Alfredo Llano, fai un balance positivo das xuntanzas mantidas hoxe en Santiago de Compostela, en Augas de Galicia, no Consorcio da Igualdade e no Igape.
O rexedor, tras a reunión mantida con técnicos de Augas de Galicia, que “o proxecto da nova Edar vai xa moi avanzado. Agora con Costas teremos que ver si a instalación é máis compacta ou máis aberta, é dicir temos que ver a superficie total que vai ocupar e os metros cadrados dos que dispoñamos no solar onde vamos situala”. Llano contou que “a nova Edar atenderá a unha poboación duns 14.000 habitantes. É moito mais moderna que a vella, menos contaminante e vai funcionar moito mellor. Ademais vaise completar con outras obras que se farán no porto para procurar que non haxa tanta concentración de augas pluviais nun punto”. E lembrou que “hai unha partida de 200.000 euros nos orzamentos da Xunta deste ano destinados para comezar as obras desta Edar, é o que eles estiman oportuno para explanar e preparar aquel solar e empezar a traballar”.
O alcalde burelés seguiu a relatar que “mantivemos Patricia Otero, a concelleira de Servizos Sociais, e mais euro despois unha xuntanza co xerente do Consorcio da Igualdade e do Benestar, Perfecto Rodríguez, para falar da nosa escola infantil e chegamos a un acordo importante. Penso que a finais de xuño as obras terán concluído na súa totalidade e a instalación contará coa dotación posta. Pode haber algunha pequena variación, pero nese mes estará rematada. Neste tempo que queda nós encargarémonos de actuar no patio de xogos, onde se creará un espazo axardinado do que poderán gozar os cativos e as cativas. E tamén nos ocuparemos da instalación eléctrica do centro. Iso agardo que estea listo nas vindeiras semanas, para poder logo colocar unha alarma por motivos de seguridade, loxicamente. E o Consorcio fará a rampla de acceso para minusválidos e a parede frontal que faltaba por facer. O resto xa está listo”.
Alfredo Llano considera “moi positivo este acordo ao que chegamos hoxe para acabar canto antes a escola infantil e proceder á súa apertura con todas as garantías en setembro. O prazo de inscrición tanto nesta como na outra xa está aberto e polo que sabemos está habendo demanda para as dúas escolas infantís”.
Finalmente o alcalde referiuse á xuntanza celebrada na sede do Igape, con técnicos deste organismo, “aos que a Fundación Expomar e o Concello burelés lles demandamos apoio económico para a Feira Expomar, que terá lugar en maio”. O rexedor dixo que “hai que ter todo en orde e imos pasiño a pasiño avanzando. Quero destacar que como a de Burela xa hai poucas feiras en todo o Estado e esta ten que seguir a ser unha referencia. O Igape está disposto a colaborar, pero hai que concretar a contía desa axuda, algo que ocorrerá nas vindeiras semanas. Eu agardo que sexa bastante importante. Que estean predispostos a colaborar coa Fundación Expomar é bo e estarán presentes na inauguración ou na clausura”.
Alfredo Llano lembro que o orzamento da Feira Expomar para este 2017 roldará os 200.000 euros. Con esta cita colaborarán as Consellerías de Mar e Industria, a Deputación de Lugo e tamén o Concello de Burela “ademais das achegas que farán os expositores que participen no evento eses días”.
O alcalde engadiu que estamos a estudar as presentacións que faremos “a nosa intención é ter unha en Santiago, outra en Lugo y unha en Burela. Pero iso concretarémolo nos próximos días”. A xerente da Fundación Expomar, Catalina Sánchez, participou tamén neste encontro xunto a Alfredo Llano e Patricia Otero.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
