Burela, 22 de marzo de 2017. Burela acollerá a fase final do Campionato de España de Baloncesto de Clubs na categoría junior feminina. Nas últimas horas o concelleiro de Deportes, Ramiro Fernández Rey, e o alcalde, Alfredo Llano, mantiveron un encontro co presidente do CB Breogán e do Club Estudiantes, Jesús Lázare, co director deportivo do Estudiantes, Cristino Menor, e con representantes da Federación de Baloncesto, para analizar todas as cuestións relativas á organización deste evento deportivo, que terá lugar do 7 ao 13 maio na Mariña luguesa. Ademais de Burela o Campionato disputarase tamén en Viveiro e en San Ciprián.
Fernández Rey aludiu á importante repercusión económica que suporá para Burela a celebración da fase final deste Campionato: “estamos a falar dunhas 500 persoas entre xogadoras e corpos técnicos e mais os seus acompañantes, en total unhas 1.500 persoas se moverán eses días por esta zona. Agardamos unha ocupación hoteleira do 100% e o sector hostaleiro e da restauración serán os grandes beneficiados deste evento. Xa temos constancia de que os equipos participantes están comezando a facer as súas reservas para pasar eses días hospedados en Burela. E o noso pobo aproveitará todo o tirón mediático deste evento para a súa promoción turística”.
O concelleiro de Deportes sinalou que “dende o Concello estamos especialmente satisfeitos de que a fase final se xogue en Burela xa que imos a desfrutar das melloras xogadoras de baloncesto feminino de España. Dende o Concello imos poñer todos os medios humanos e materiais posibles para axudar a que a sede de Burela estea á altura do evento e conxuntamente co Clube Baloncesto Burela traballaremos para que a imaxe do noso pobo saia reforzada. Ademais valoramos moi positivamente que parte da inversión que vai facer o Concello vaia a repercutir no noso Clube de Baloncesto, que era un dos nosos obxetivos. O Concello vai a facer unha importante aposta económica por este evento, pero evidentemente o retorno do mesmo está fora de toda dúbida e tanto Burela como pobo, como os negocios de hostelería, comercio e restauración estamos de noraboa polo feito de que estas xestións nas que levamos traballando dende hai meses chegaran a bo porto. Dende o Concello estamos moi contentos e satisfeitos porque este campionato se vaia a celebrar en Burela”.
O edil de Deportes subliñou que “desde o Concello apostamos decididamente polo deporte feminino e por visualizalo e este evento é a mellor ocasión que podemos ter para demostralo con feitos. Será importante para o deporte de Burela e da nosa comarca e tamén para a promoción turística que suporá tamén para as tres sedes que acollerán a celebración deste Campionato de España de Clubs. Temos que aproveitar a súa presenza aquí para darlles a coñecer os atractivos turísticos cos que contamos”.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
