Cervo, 11 de marzo de 2017.- O Concello de Cervo ofrécese a acoller as probas de selectividade da Mariña, que a día de hoxe se desenvolven en Viveiro, e a asumir as condicións do convenio acordado no seu día entre os municipios e a comisión interuniversitaria.
Así o sinalou o rexedor Alfonso Villares quen “afeou a Viveiro a súa falta de rigor á hora de aportar en días pasados unhas cifras que poden conducir a equívoco, xa que Cervo non ten ningunha débeda contraída con este Concello porque, a día de hoxe, non recibimos ningún documento de liquidación de custos”.
De feito, recordou Villares, no pasado exercicio recibimos a comunicación por parte de Viveiro o 16 de febreiro, e dous días despois, o 18, realizamos a trasferencia pertinente a este Concello, abonando o que nos correspondía polo número de alumnos de Cervo que se desprazaron a realizar as probas, nese caso 886,32 euros”
O rexedor recorda que o procedemento foi consensuado entre os diferentes concellos e a comisión interuniversitaria. De xeito que “se acordou repartir entre todos os gastos derivados da selectividade, abonando unha cuota por estudante que se presente. A comisión interuniversitaria emite unha factura que lle fai chegar ao concello que é sede das probas, neste caso Viveiro, que tería que pasar a liquidación despois aos outros municipios; pero insisto en que a día de hoxe non o fixo”.
Villares sinalou que “non é a primeira vez que Viveiro lanza esta mensaxe, e non creo que sexa a fórmula idónea para facelo, porque sabe que hai outros mecanismos efectivos para saldar unha suposta débeda antes de expoñer así aos Concellos, sendo ademais como é, un servizo positivo para o alumnado de Viveiro e para todo o pobo”.
Se Viveiro non pode asumir este convenio, -insistiu- Cervo si que está interesado en acoller as probas e estamos en disposición de facernos cargo das condicións establecidas e consensuadas de anteman”.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
