Burela, 14 de marzo de 2017. O Concello envía unha carta ao Imelga (Instituto de Medicina Legal de Galicia) para reclamar a creación dunha praza de forense en Burela. O alcalde, Alfredo Llano, considera que a comarca debe contar con este servizo e insiste en que as autopsias deben realizarse no Hospital da Costa para evitar esperas innecesarias ás familias.
O rexedor dixo que “agora mesmo xa estamos tramitando desde o Concello de Burela o envío dunha carta ao Imelga solicitando aquí a presenza dun forense porque consideramos, e así se evidencia, que hai un déficit de atención dun profesional deste campo na comarca da Mariña”.
Para Alfredo Llano “A Mariña polas súas características demanda e xustifica perfectamente a presenza deste profesional. Na Mariña somos 16 concellos e entre todos sumamos aproximadamente 80.000 habitantes cunha serie de circunstancias que poden xustificar perfectamente a presenza dun forense, como poden ser a industria pesada que temos, a densidade de tráfico que hai por estas estradas, e tamén o mar que por si mesmo supón unha serie de riscos”.
O alcalde burelés lembra que “hai non moito tempo existía un forense asentado ben en Viveiro, en Mondoñedo ou incluso en Vilalba. Eu fun testemuña dalgún acontecemento que por desgraza tiveron que acudir os forenses, e na data do ano 2007 ao 2011, unha vez que houbera aquí unha desgraza de mariñeiros que viñeron ao porto de Burela, apareceron de maneira moi rápida. Sen embargo no último acontecemento que houbo na nosa localidade, na que por desgraza faleceu un veciño e o seu corpo e a súa familia estiveron na praia do Portelo tres horas esperando por un forense. Nesa situación viuse claramente o déficit deste profesional que temos aquí na Mariña”.
Alfredo Llano manifestou: “din desde a Xunta que agora faise moito máis rápido porque hai máis servizos mortuorios. Eu penso que é moito máis rápido tendo aquí o forense e o servizo das autopsias como se viñan facendo antes no Hospital da Costa. Non sei porqué razón se quitan. Non é certo que sexa máis rápido indo a Lugo, tendo aquí o forense evidentemente faríase todo moito máis rápido”.
O rexedor burelés quere “tamén salientar que A Mariña de por si é suficiente importante como para ter este servizo. Evidentemente nosoutros reclamamos que poida vir para Burela, pero pódese asentar en calquera dos outros concellos da Mariña. Penso que en Burela xustifícase en base de que aquí xa está o hospital e sería todo moito máis rápido. Cremos suficientemente xustificada esta reclamación”.
Llano considera que “tamén hai que reclamar e así se fará e insistiremos niso, na área sanitaria propia da Mariña porque todo isto ven derivado de haber unha centralización en Lugo e quitarnos moitas das oportunidades en servizos que tíñamos ata que se decidiu crear estas tres áreas. Nosoutros imos seguir reclamando porque cremos que é normal que se faga esa reclamación e ademais é un dereito moi ben gañado para todos os veciños e veciñas da comarca da Mariña”.
Alfredo Llano tamén reclamará ese forense e a realización das autopsias no Hospital da Costa a través da Mancomunidade de Municipios da Mariña, que el preside.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
