Ribadeo, 22 de abril de 2017. Do 28 ao 30 de abril terán lugar as terceiras xornadas gastronómicas Asturias en Ribadeo, que organiza Acisa e nas que participan 21 locais hostaleiros.
Os que se acheguen a Ribadeo eses días atoparán unha grande variedade de produtos gastronómicos típicos asturianos, desde menús fin de semana ou menús degustación ata racións, tapas e pinchos dos pratos máis representativos da veciña Asturias.
Ademais haberá ambientación de música asturiana polas rúas de Ribadeo. O venres, día 28, a partir das 20:30 horas correrá a cargo do grupo Brisas del Eo, de Abres; o sábado a mediodía e ao solpor a nota musical poñeraa o grupo de gaitas El Trasno, de Coaña; e xa o domingo a mediodía a banda de gaitas Subela será a encargada de animar Ribadeo e as zonas de bares dentro destas terceiras xornadas gastronómicas Asturias en Ribadeo.
Os locais participantes nesta cita son: A Dorada, O Bodegón, O Cabazo, Costa Verde, Oviedo Bar II, hotel Rolle, Galipizza, Queimada, Cienfuegos, Breogán, La Cuchara de Palo, A Menchina, Rosalar, Malo Será, La Botellería, La Lira, Mediante, Mareta, A Ribeira, Porta Norte y La Quinta.
O presidente de Acisa, David Martínez, contou que “por terceiro ano consecutivo Acisa consegue achegar un pouco máis Asturias a Ribadeo. Temos unhas xornadas especiais coa súa gastronomía, que cremos que é unha das mellores gastronomías das comunidades autónomas, entón gozaremos de todas as súas propostas en Ribadeo. Hai 21 locais participantes, e ademais vai haber moita animación musical e todo inspirado nos nosos veciños asturianos”.
Martínez convida a vir a Ribadeo a saborear as propostas que atoparán nos establecementos participantes: “dicirlles aos veciños asturianos que veñan a gozar da súa gastronomía en Ribadeo. Aquí temos grandes restaurantes nos que poden comprobar que ben o fan. Ademais poderán gozar tamén das tendas, das compras, que veñan a vindeira fin de semana a Ribadeo. Coincide na ponte do primeiro de maio así que toda a xente que veña de fora, xa que hai ponte en Madrid e noutras comunidades autónomas, terá a oportunidade de descubrir en Ribadeo a gastronomía de Asturias”.
As terceiras xornadas Asturias en Ribadeo foron presentadas polo presidente de Acisa, David Martínez, e polo xerente, Jesús Pérez.
Pasadas as 13:30 horas deste luns, o 112 Galicia tivo constancia, a través de Urxencias Sanitarias de Galicia-061, dun ciclista que se atopaba en parada cardiorrespiratoria no quilómetro 1 da LU-151, á altura da parroquia de Fazouro. De inmediato, os xestores do Centro Integrado de Atención ás Emerxencias solicitaron a colaboración dos axentes da Garda Civil de Tráfico e da Policía Local de Foz. Malia os esforzos, os profesionais sanitarios só puideron confirmar o falecemento da persoa.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
