A Mariña, 22 de abril de 2017. O Bloque Nacionalista Galego organiza na Mariña actos de conmemoración, 40 anos despois, da I Marcha Antinuclear de Xove, que se celebrou o 10 de abril do 1977.
A responsábel comarcal, Ana Ermida, sinala que “non podíamos deixar acabar o mes de abril sen ter un recordo especial para todas as mulleres e homes que en pleno postfranquismo amosaron a súa dignidade e, mobilizadas polo nacionalismo galego, foron quen de frear a construción dunha central nuclear no concello de Xove.”
Os actos, nos que tomará parte a portavoz nacional do BNG, Ana Pontón, realizaranse o vindeiro sábado 29 de abril a partir do mediodía. Darán comezo, ás 12:30 da mañá, co descubrimento dunha placa conmemorativa no lugar de Ceranzos, na parroquia de Xuances, onde se instalaría a central e que máis protagonismo tivo nas mobilizacións.
Os actos continuarán pola tarde, coa inauguración na aula da biblioteca municipal de Viveiro ás 6 da tarde dunha mostra de material daquelas mobilizacións, que “van máis alá da propia marcha do ano 77; xa que os actos comezaron anos antes, tanto na Mariña coma en Lugo, e proseguiron non só coa segunda marcha do ano 79, senón ata que se desbota o proxecto polo ano 82”, explican desde o BNG.
Desde a formación nacionalista manifestan que con estes actos, que pretenden reproducir os lugares que tiveron maior protagonismo nas mobilizacións de hai corenta anos. “Queremos poñer en valor a dignidade e a valentía de todas as persoas que foron quen de organizarse e loitar xuntas contra a inxustiza que goberno e eléctricas pretendían consumar. Queremos recoñecer o paso adiante que deron esas persoas e organizacións que defenderon a Terra diante das presións, amosando que a unión da xente fronte ás inxustizas pode acadar froitos e vencer o que se dá por consumado.”
“É fundamental coñecer estes capítulos da nosa historia como País, que amosan a dignidade dun Pobo, e que nos permiten comprender tamén a situación actual. Temos que lograr que a xente máis nova coñeza as loitas que viviron as súas veciñas e veciños e que sintan orgullo do que un Pobo organizado pode conseguir”, conclúe Ana Ermida.
Pasadas as 13:30 horas deste luns, o 112 Galicia tivo constancia, a través de Urxencias Sanitarias de Galicia-061, dun ciclista que se atopaba en parada cardiorrespiratoria no quilómetro 1 da LU-151, á altura da parroquia de Fazouro. De inmediato, os xestores do Centro Integrado de Atención ás Emerxencias solicitaron a colaboración dos axentes da Garda Civil de Tráfico e da Policía Local de Foz. Malia os esforzos, os profesionais sanitarios só puideron confirmar o falecemento da persoa.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
