Burela, 24 de abril de 2017. A Concellería de Medio Ambiente convoca a segunda edición do Concurso Fotográfico Coidemos a terra, que neste 2017 terá como temática As árbores de Burela.
No concurso poderán participar todas as persoas que o desexen, residentes en Burela e que conten, no caso de ser preciso, con representante maior de idade. Haberá tres categorías, infantil para nen@s de ata 12 anos, xuvenil para rapaces de 12 a 17 anos (inclusive) e adulto (na que poderán participar todas as persoas que cumprisen 18 anos antes da convocatoria deste concurso). As fotografías deberán ser orixinais e inéditas e cada imaxe presentada deberá ter título. As bases do concurso recollen que cada persoa poderá enviar un máximo de dúas fotos en usb, en cd ou impresas en tamaño de 15 x 21.
O prazo de inscrición, que xa está aberto, remata o 19 de maio ás doce da noite. Haberá un premio por cada categoría. O infantil estará dotado con 100 euros, o xuvenil con 150 e o adulto con 200 euros. Ademais recibirán a súa fotografía en lenzo. Desde a organización advirten que estes premios están suxeitos á retención do IRPF que establece a lexislación vixente.
O fallo do xurado darase a coñecer o 23 de maio. E a entrega de premios será o 9 de xuño ás oito da tarde no salón de plenos do Concello. A participación no II Concurso Fotográfico Coidemos a terra supón a aceptación plena das súas bases, que se atopan dispoñibles na páxina web www.burela.org e na sede electrónica do Concello de Burela https://burela.sedelectronica.es
A concelleira de Medio Ambiente, Noelia Mª Ben, anima a participar neste concurso “e a deixar plasmada nunha imaxe as moitas árbores que se poden atopar no noso municipio”.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
