Lugo, 25 de abril de 2017.- O grupo provincial do Partido Popular rexeitou a moción do Partido Socialista para instar á Xunta de Galicia á creación dun Fondo de Participación dos Concellos nos ingresos da administración autonómica, ao tratarse dunha iniciativa, tal e como subliñou o vicevoceiro deste Grupo, José Antonio García, “carente de rigor e elaborada en clave partidista”.
Deste xeito, os populares desvincúlanse destas mocións “sen ningún tipo de fundamento”, sobre todo, porque a fusión municipal en Galicia, matizou García, é voluntaria e, en segundo lugar, avogan por ir a un financiamento axeitado e incluída no marco da FEGAMP, dentro da unanimidade e apartando os criterios partidistas “que é xusto o que querían facer vostedes”.
“Tomámonos moi en serio as necesidades dos concellos. Todos os que estamos aquí vimos da administración local e, polo tanto, para nós, este tema si que é importante”. Por este motivo, consideran “unha frivolidade que se fale así de garantir por lei un fondo cando Galicia, dende hai máis de 20 anos, ten regulada a creación dun fondo específico; cuestión que semella descoñecer o PSOE, apartándose así tamén da FEGAMP, que é o marco para facelo, a pesares de que está presidida por un presidente socialista e hai unha fluída negociación”, afirmou.
“O Besteirismo pasará á historia”
A este respecto, cualifica de “deleznable” a proposta, así como que o Goberno pretenda xustificala co Plan Único e a xestión do Partido Socialista, sobre todo, cando en 2010 o 85% en fondos de cooperación desta Deputación ían para os concellos socialistas, excluíndo aos gobernados polo PP. “O Besteirismo é o exemplo máis claro de arbitrariedade nos concellos e así pasará á historia”, destacou o vicevoceiro.
Neste senso, criticiou que “agora que presuman do Plan Único, impulsado dende o PP, é a triste realidade dunha moción carente de rigor”.
A favor da reversión do superávit
O PP votou a favor da moción do PSOE para instar ao Goberno de España a permitir ás administracións locais a reversión do superávit no ano 2017 sen necesidade de xerar novos ingresos polo mesmo importe. O deputado Demetrio Salgueiro explicou que se trata dunha iniciativa que o Pleno xa debateu en decembro e que o PP tamén apoiou ao entender que é algo a favor dos concellos. “A Lei de racionalización xurdiu cando as administracións estaban moi endebedadas pero os concellos pequenos son os que máis cumpren e presentan un elevado grao de superávit e a súa reinversión sería positiva para a creación de emprego e a para a súa economía”, precisou.
Tamén indicou que se trata dunha iniciativa do PSOE que era “un corta e pega doutra xa debatida”, que incluso contiña os mesmos erros, o que evidencia “a pouca implicación, despreocupación e falta de traballo do equipo de Goberno”.
Sorprendentemente a moción do PSOE saíu adiante sen contar co voto do presidente e de dous deputados do PSOE, Miguel Ángel Sotuela e Pablo Rivera que se ausentaron no Pleno, o que demostra, segundo os populares, a falta de respecto á institución e á compañeira que defende esta iniciativa.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
