Burela, 26 de xuño de 2017. A Concellería de Turismo ven de instalar dúas cámaras nas praias de O Portelo e A Marosa para que recollan información en tempo real do estado no que se atopan os areais. Xa están conectadas coa páxina web de Turismo.
O edil Ramiro Fernández Rey explicou que “son dúas cámaras nas que se vai poder ver en tempo real o estado no que se atopan as praias tanto A Marosa como O Portelo, co obxectivo de que todo o mundo poida ter unha información de cal é a situación do tempo en Burela neses areais”.
O concelleiro burelés dixo: “pensamos que é unha boa medida para que todo o mundo poida entrar na páxina web de Turismo, que é onde están postos os enlaces, e poder ver o estado en que se atopan as praias, e poder decidir si se vai a elas, se o día está para poder ir ou non, e que a xente que se despraza doutros lugares poida ter unha información para non facer esa viaxe en balde”.
Fernández Rey salientou que “é unha información máis que queremos dar sobre todo aos visitantes, pero tamén é útil para os veciños de Burela posto que hai veces que incluso na praia de O Portelo e A Marosa non hai o mesmo tempo, pode estar facendo bo nunha e non na outra estar nublado”.
O edil de Turismo manifestou que “estas cámaras están contratadas cunha empresa que se chama Hispacams, que ademais de estar na nosa páxina de Turismo www.turismoburela.org tamén está na súa web a nosa información. Manda unha imaxe cada vinte segundos e vese perfectamente cómo está o mar e a situación da praia, se hai xente e se fai sol. Cremos que é interesante de cara a ter unha información perfecta das praias e unha medida que pode traer máis xente a Burela”.
O edil lembrou que “foi unha das xestións que pechamos en Fitur cando estivemos, era un dos contactos que tíñamos planificados. E agora as cámaras xa están conectadas e agardamos que sexan de utilidade”.
Ramiro Fernández Rey puntualizou que “non son cámaras de vixilancia e que non teñen a resolución suficiente para distinguir persoas, senón que o seu cometido é simplemente dar información real do estado dos areais”.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
