Lugo, 8 de xuño de 2017. O Presidente da Deputación, Darío Campos Conde, inaugurou este xoves a mostra Maruja Mallo, Vinte Almas, que estará exposta ata o 3 de setembro na Sala de Exposicións do Museo Provincial de Lugo. Fíxoo acompañado de compañeiros do Goberno Provincial; a Concelleira de Cultura, Carmen Basadre Vázquez; e o Comisario da mostra, Eduardo Valiña. Esta exposición forma parte da programación de actividades que o Executivo da Deputación ofrece con motivo de que a Real Academia Galega de Belas Artes decidiu homenaxear polo Día das Artes Galegas, á artista lucense Maruja Mallo. A exposición conta coa colaboración da Fundación Eugenio Granell, a Fundación Abanca, Afundación, a Fundación Luís Seoane, ademais de particulares entre os que destaca a colección de Vázquez Cereijo-Anne Nikkitik.
Campos Conde subliñou que “hoxe é un día de celebración para todos nós pois saldamos unha débeda histórica cunha das artistas máis importantes que viu nacer a nosa provincia. Maruja Mallo foi pioneira nunha forma de entender a vida e o arte e un modelo a seguir. Iniciadora do movemento das “sen sombreiro”, un grupo de mozas intelectuais que escandalizaron á sociedade por atreverse a saír á rúa sen esa prenda. Un exemplo de valentía, liberdade e defensa dos dereitos das mulleres, nun mundo de homes e nunha época de prohibicións e represión.”
A mostra conta cun total de 55 cadros, dos que 25 son pinturas de Maruja Mallo de distintas etapas ao longo da súa traxectoria artística, destacando as obras relacionadas cas máscaras, a auga e as arquitecturas minerais. A exposición acolle obras de artistas que foron claves na vida e na produción da lucense como Pablo Picasso, Joan Miró, de compañeiros da Escola de Vallecas como Benjamín Palencia e Alberto Sánchez, así como artistas exiliados galegos como Eugenio Granell e Luís Seoane.
Maruja Mallo, Vinte Almas está composta por ilustracións, cartas, catálogos de exposicións ou escritos, entre os que destaca o acta da bolsa que lle concedeu a Deputación entre 1926 e 1929, ademais de fotografías como o negativo orixinal de Maruja Mallo co poeta chileno Pablo Neruda que axudan a entender un pouco mellor a vida e obra da lucense. Na exposición tamén recupérase unha entrevista de televisión que lle fixo Joaquín Soler Serrano para o programa A fondo na que fala das súas experiencias e vivencias.
A exposición compleméntase coa achega de catro proxectos de artistas contemporáneos, todos eles nados en Viveiro. Son Montse Rego, Renata Otero, David Catá e Félix Fernández coa su interpretación sonora-musical “20 cancións para Maruja Mallo”.
Obras de artistas internacionais
Neste senso, a exposición articúlase a través de obras dos artistas coetáneos a Maruja Mallo, como Alberto Sánchez (Mujer Castellana, 1975) ou Benjamín Palencia (sen título, 1935) que compartiron experiencias e unha profunda amizade. Inclúese tamén un retrato realizado en 1941 por Vlady Serge de André Breton. Por outra parte, a mostra conta con pezas de José Caballero como Las dos hermanas; Téte de Faune de 1962 de Pablo Picasso; Dos personajes de Antonio Rodríguez Luna; sen título de Juan Ismael e a obra de Composición de Joan Miró.
Guía Postal de Lugo
A Rede Museística Provincial de Lugo custodia na actualidade 7 cadros da pintora lucense, todos eles expostos na mostra, dos cales 5 pertencen á etapa de bolseira da Deputación e os outros 2, Arquitectura mineral e Agol, foron adquiridos no 2000. Entre todas estas pinturas destaca Guía Postal de Lugo. Este cadro pintado por Maruja Mallo, foi realizado en 1929 por encargo da Deputación de Lugo para ilustrar as páxinas do libro Lugo y su provincia (Libro de Ouro). Nesta pintura a artista ofrece a súa visión de Lugo a través dun collage de diversos lugares da provincia, a modo de postais superpostas. Mestura modernidade e tradición, co seu propio imaxinario, dando lugar a unha obra moi rica en significados e matices, onde o real fúndese co irreal.
Máis actividades
O Goberno da Deputación organizou durante o mes de abril a Semana Escolar con Maruja Mallo, para divulgar entre o alumnado de educación secundaria da provincia de Lugo coñecementos sobre a vida e obra da pintora. O organismo provincial editou un libro-manual e co apoio dos docentes, máis de 9.000 alumnos realizaron diferentes actividades enmarcadas no ámbito da educación plástica e visual, a lingua e literatura, as ciencias sociais, xeografía e historia, así como a música.
Maruja Mallo
Maruja Mallo naceu en Viveiro, en 1902, co nome de Ana María Gómez González e no seo dunha familia de boa posición. Xa moza, trasladouse a Madrid, onde mantivo relación con artistas como Margarita Manso, María Zambrano e Rafael Alberti. Durante a década de 1920 traballou para numerosas publicacións literarias e realizou portadas de varios libros, así como exposicións. En 1932 viaxou a París, onde entrou en contacto co surrealismo (coñeceu a Max Ernst, René Magritte, Joan Miró ou Giorgio de Chirico, entre outros), e participou en parladoiros con André Breton e Paul Éluard. Dende ese momento a súa pintura cambia radicalmente, influenciada polo surrealismo.
En 1937, debido á Guerra Civil que se estaba vivindo en España, viaxa a América, onde pasará o seu exilio en Arxentina e Estados Unidos. Regresou a España en 1962, onde realizou varias exposicións. En 1982 recibe a Medalla de ouro das Belas Artes, concedida polo Ministerio de Cultura. Finou en Madrid en 1995, a idade de 93 anos.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas deste martes, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
