Lugo, 8 de xuño de 2017. O Grupo Provincial do PP amosa a súa sorpresa porque unha das persoas relacionadas co proceso xudicial do KM0 consiga unha praza na Deputación de Lugo, en concreto a aspirante vén de superar o proceso para a selección dun técnico en turismo, escala administración especial, subescala servizos especiais, Grupo A, subgrupo A1, que prestará servizos como funcionario interino.
Un proceso de selección en cuxa lista provisional foron admitidas 8 persoas e excluídas 24 e á cal presentaron alegacións 5 interesados, desestimadas polo Goberno provincial.
Desde o PP precisan que a persoa que vén de facerse coa praza é, tal e como ela mesmo declarou en sede xudicial en agosto de 2013, a parella sentimental, dun dos principais investigados na Operación Pulpo, en concreto, o que lle dá nome á mesma. Os populares trasladan as súas sospeitas porque a selección do persoal na administración provincial poida non ser a adecuada ou estar viciada, tendo en conta que o ex presidente socialista, José Ramón Gómez Besteiro, se viu salpicado por este proceso polo que está a ser investigado.
As sospeitas do PP son maiores logo de coñecer unha sentenza do TSXG que obriga á Deputación de Lugo a repetir o proceso para dotar á Deputación dun técnico en Medio Ambiente.
Un caso no que se investiga a Gómez Besteiro
A xuíza que instrúe o caso, Pilar de Lara, atribúelle a Gómez Besteiro a autoría dos presuntos delitos de cohecho, prevaricación, tráfico de influencias, fraude ás Administracións Públicas, fraude de subvenciones e un delito continuado de malversación de caudais públicos. Así, entre a lista dos citados a declarar en calidade de investigados atópanse outros cargos ou excargos da Deputación de Lugo, como o xefe do servizo de protocolo, a directora de comunicación ou o asesor de fondos europeos de Presidencia.
Os feitos aluden a presuntas irregularidades relacionadas coa xestión do programa denominado KM0, que foron denunciados por unhas traballadoras de programa, que tamén interpuxeron denuncia por acoso contra o xefe do servizo de Protocolo.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas deste martes, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
