A Mariña, 8 de xuño de 2017. A Mancomunidade de Municipios da Mariña estivo presente na xuntanza sobre turismo convocada pola Xunta e que tiña lugar este mediodía en Lugo. O presidente da Mancomunidade, Alfredo Llano, salientou que nese encontro se compartiron obxectivos comúns para traballar pola Mariña. E adiantou que a vindeira semana se reunirá cos técnicos da Mancomunidade e representantes da FCAM para seguir afondando nos posibles proxectos a desenvolver conxuntamente.
Alfredo Llano contou que esta mañá mantivo un encontro co responsable da Deputación de Lugo, Eduardo Vidal Baamonde, e dixo que “na Deputación imos reunirnos en breve para establecer un programa, uns obxectivos comúns para traballar na Mariña”.
O presidente da Mancomunidade explicou que “estivemos tamén na reunión da Xunta de Galicia sobre turismo con representantes de diferentes sectores. Houbo un debate que hai que telo en conta porque son principios que tamén son de aplicación na comarca da Mariña. Hai unha cuestión na que si coincidimos todos e que eu quero salientar, que é o do turismo sostible, o turismo que estamos pensando para A Mariña. Hai intencionalidade clara desde as institucións, pero tamén polo sector privado de favorecer que o turismo sexa un ben común e ademais un ben económico de importancia transcendente para as comarcas da provincia de Lugo”.
Llano dixo que “hoxe os destinos están moi definidos, moi claros. O da Mariña é un xeodestino característico e concreto que debemos ofrecer como unha parte diferenciada e algo novidoso”.
O presidente da Mancomunidade de Municipios da Mariña adiantou que “o martes próximo imos facer unha reunión con técnicos da Mancomunidade e de turismo para ir xa buscando novidades e aplicacións. Tamén imos convocar á FCAM, a Federación de Comercio da Mariña, para establecer unha estratexia común que nos vaia ben a todos, e poder ir avanzando neste plan turístico, neste xeodestino da Mariña, porque pensamos que é algo que agora mesmo hai que aproveitar, é moi importante. Estamos nun bo momento para incentivar, promocionar e motivar que a xente se achegue á nosa comarca”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
