CERVO, 8 de xuño de 2017.- O Partido Popular avanza na celebración de congresos das distintas agrupacións locais da provincia. Concretamente, este formación política acordou a última hora do día de onte, nunha xuntanza cos afiliados de Cervo, fixar para o 2 de xullo, ás 12:00 horas, na sede do PP de San Ciprián, a cita deste encontro. Deste xeito, o Partido Popular dá continuidade ao compromiso de seguir “creando proxectos gañadores para que o PP medre nas municipais”, tal e como explicou en días pasados a propia presidente na reunión da Xunta Directiva Provincial.
A reunión de onte estivo dirixida pola presidenta provincial e o secretario xeral, Elena Candia e Carlos Armesto, respectivamente, así como polo responsable da organización política en A Mariña, José Manuel Balseiro Orol, ademais do presidente local, José Insua, e o alcalde, Alfonso Villares. Por tanto, tal e como engade a presidenta, unha vez coñecida a data deste congreso, “continuamos no camiño de seguir reforzando o Partido por toda a provincia. Ademais destes congresos, xa estamos planificando outros”; o que demostra para a responsable do PP que “somos un Partido vivo, e que traballa baixo o entendemento e o consenso”. “Os cidadáns, hoxe máis ca nunca, demandan dos políticos seriedade e traballo. Creo que no Partido Popular e, nisto a agrupación e Cervo é un exemplo, así o estamos a facer”, conclúe.
Máis congresos
O de Cervo súmase aos anunciados recentemente, e que son os de Ourol e Xermade. Estes celebraranse os días 14 e 16 de xuño, no Hotel Val do Naseiro, ás 20:30 horas e restaurante Tino de Momán, ás 21:00 horas, respectivamente. En ambos os dous concellos, e ao igual que aconteceu co de Lugo, somentes existe un único candidato. No caso do municipio mariñano, Carlos Rios López será o novo presidente da agrupación. Trátase dun autónomo de 46 anos, moi coñecido na zona, e que conta cun amplo coñecemento do Partido, pois leva máis de dúas décadas afiliado, pero tamén atesoura gran experiencia política, xa que foi concelleiro ata que se produciu o cambio de goberno.
No caso de Xermade, a persoa que o dirixirá a formación política será o enxeñeiro agrónomo Antonio Riveira Requeijo. Igual que no caso anterior, é unha persoa moi recoñecida no municipio e no contorno, debido á súa profesión que exerce nesta localidade, así como pola traxectoria como estudoso da cultura do municipio, contando así con algunha publicación sobre a materia.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
