RIBADEO, 30 de xuño de 2017.- O Concello de Ribadeo tampouco solicitou adherise ao convenio que ofrece a Xunta de Galicia para colaborar na prevención e loita contra os incendios forestais, e que consiste no financiamento e dotación de brigadas ás entidades locais. Neste senso, os populares lamentan que o rexedor local rexeitase así “unha axuda e un servizo necesario” para previr a posible existencia de lumes e preservar a importante masa forestal coa que conta non só o municipio, senón toda a comarca.
O voceiro do PP neste municipio, Jesús López Penabad, denuncia “este desentendemento” do Goberno local, sobre todo, sabendo que o no mes de xullo dá inicio a tempada de alto risco. E é que, con esta decisión, “cando menos errónea”, de renunciar a un convenio –de duración trianual-, o rexedor tamén está “rexeitando” que os ribadenses se poidan beneficiar dos empregos vinculados ás novas contratacións, en concreto, brigadas de entre 4 e 6 compoñentes, que traballarían durante os próximos tres meses.
Renuncia á creación de emprego e a un servizo máis próximo
Pero é que, ademais, salientan, con esta determinación, o Executivo local “está impedindo” ademais da posibilidade de crear novos postos de traballo, a de preservar a superficie forestal existente no municipio. “Por todos é coñecido o importante peso que ten a madeira no PIB local e da Mariña en xeral. Por tanto, non entendemos como se pode non aceptar unha iniciativa que crea emprego e contribúe á protección dos montes”, subliña Penabad. E é que afirma o voceiro municipal, “custa crer que un alcalde pense que está todo feito neste senso, xa que en materia de prevención nunca se está cuberto de todo e nada sobra”, incide o voceiro municipal.
Outro dos beneficios de que os Concellos se acollan a este convenio é que o servizo que prestan as brigadas é máis pegado ao territorio, por exemplo, que os GES. Estas están máis centradas no municipio e actúan en caso de extinción como unidade de primeira intervención. O acordo de colaboración permite tamén financiar, co apoio da Xunta, os custos de mantemento da motobomba e a realización de desbroces preventivos en terreos municipais o de propietario descoñecido.
Contradición do alcalde
Por todo elo, os populares consideran que, “obxectivamente, todos son beneficios, polo que todo semella indicar que o alcalde prioriza os intereses persoais ou de Partido por riba dos dos seus veciños”. A este respecto, consideran que o alcalde tamén incorre “nunha clara contradición, pois por unha banda quéixase dos fondos concedidos para a contratación socorristas e, pola outra, renuncia aos aportados para este servizo”.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
