Ribadeo, 27 de xuño de 2017. A Concellaría de Sostibilidade Ambiental e Medio Mariño fai un balance positivo das escasas dúas semanas que leva traballando o servizo de salvamento nas praias ribadenses. Paz Ermida pide maior seriedade por parte dalgúns organismos co traballo dos socorristas e que se lle dea a importancia que merece esta profesión. E salienta que neste período se prestaron unhas quince asistencias no posto técnico sanitario da praia das Catedrais.
A concelleira de Sostibilidade Ambiental e Medio Mariño, Paz Ermida, dixo: “facemos un balance positivo destas apenas dúas semanas de posta en marcha do servizo de salvamento no Concello de Ribadeo, destacando que a pesar de non contar coa totalidade da plantilla, xa que hai pouco aínda que nos confirmaron por parte da Xunta o número de prazas que se nos asignaban a cada concello, fomos quen de coordinar co xefe de equipo e co persoal técnico do Concello, axustar horarios e planificalos segundo as necesidades, dotando dun maior número de efectivos en función das mareas e polo tanto da afluencia de visitantes”.
A edil nacionalista sinalou que “ao marxe de toda a polémica que está suscitando o tema dos socorristas, é de xustiza insistir na falta de seriedade dalgúns organismos ao respecto deste tema. Hai que estar a pé de praia para ver o que é preciso, pisar os areais e pasar tan só unhas horas con estes profesionais para saber cales son as demandas reais en cada concello, e entender que se demandamos é porque o precisamos”.
A concelleira ribadense subliñou que “estamos falando dunha profesión, non dun pasatempo. Creo que é hora de darlle a importancia e a relevancia que se merece. Ao fin e ao cabo estamos falando de salvar vidas, fundamentalmente de evitar traxedias humanas que tamén se dan, e para iso precisamos medios”.
Paz Ermida relatou que “levamos dende o posto técnico sanitario de As Catedrais atendidas unhas quince asistencias, un posto que decidimos rescatar e que este ano estenderemos a outras praias”.
A concelleira do Medio Mariño contou que “dende a Concellaría de Medio Mariño seguimos traballando a reo para conseguir que toda a tempada transcorra con normalidade, e que a pesares de todo aínda nos quede tempo para seguir cumprindo soños, como foi o caso este pasado domingo dunha veciña coruñesa que conseguiu por fin ver os arcos das Catedrais grazas ao equipo de socorrismo que a baixaron a pulso ata o areal e a acompañaron durante toda a visita”.
Pasadas as 13:30 horas deste luns, o 112 Galicia tivo constancia, a través de Urxencias Sanitarias de Galicia-061, dun ciclista que se atopaba en parada cardiorrespiratoria no quilómetro 1 da LU-151, á altura da parroquia de Fazouro. De inmediato, os xestores do Centro Integrado de Atención ás Emerxencias solicitaron a colaboración dos axentes da Garda Civil de Tráfico e da Policía Local de Foz. Malia os esforzos, os profesionais sanitarios só puideron confirmar o falecemento da persoa.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
