Burela, 28 de xullo de 2017. No pleno celebrado este xoves no Concello de Burela foi aprobado por unanimidade o inventario xeral municipal, que está estimado en preto de 16 millóns de euros. Tamén foi aprobado o plan normativo municipal cos votos a favor de PSOE e BNG e a abstención do PP. Ademais aprobouse por unanimidade unha moción do BNG presentada pola vía de urxencia solicitando a realización de obras no colexio Virxe do Carme. Neste pleno socialistas e nacionalistas votaron a favor dunha moción presentada polo equipo de goberno criticando á Xunta polos recortes realizados nos plans de mellora de camiños, moi importantes para moitos concellos, como é o caso do de Burela, e en demanda de partidas para afrontar ditos traballos.
O alcalde de Burela, Alfredo Llano, comentou respecto a aprobación do plan normativo municipal que “é agora mesmo de obrigado cumprimento e nosoutros temos que desenvolver un regulamento para que se fundamenten os temas administrativos no noso Concello. Foron todo votos a favor, non houbo ningún en contra, salvo o PP que se abstivo”.
O rexedor burelés contou que “tamén se aprobou inicialmente o inventario xeral, que teño que lembrar que temos un bo patrimonio que se achega aos 16 millóns de euros. Hai unha serie de propiedades que compoñen o conxunto do noso patrimonio que cremos que é bastante importante e que se pode ir incrementando ao longo do tempo. Este inventario que se fixo e que se rematou hai moi pouco tempo, consideramos que hai que repetilo máis a miúdo porque o último estaba feito desde 1999 e este concello como é dinámico, é fácil que se modifiquen os valores patrimoniais. Polo tanto pensamos que no futuro debemos facer este inventario polo menos cada dous anos”.
Burela aprobou en pleno o inventario municipal e o plan normativo. Ademais saíron adiante dúas mocións, unha contra o recorte de partidas para os plans de mellora de camiños por parte da Xunta, e outra solicitando a realización de obras no colexio Virxe do Carme
Relacionado
Ocorreu escasos minutos despois das 15 horas deste domingo, e foron recollidos pola embarcación Salvamar Shaula, de Salvamento Marítimo. Atopábanse subidos a unha balsa inchable na praia de Basteira, na Pedra (Cariño), foron arrastrados pola corrente e eran incapaces de retornar á beira. Dúas persoas metéronse na auga tratando de rescatalos, sen éxito. Ao final, a embarcación de rescate de Salvamento Marítimo recolleu aos menores e levounos ilesos ata o porto de Cariño. Ademais de a Salvamento Marítimo, desde o 112 Galicia informouse ao Servizo de Gardacostas de Galicia e aos axentes da Garda Civil.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
