Lugo, 28 de xullo de 2017. O Presidente da Deputación de Lugo, Darío Campos Conde, o Alcalde de Burela, Alfredo Llano García, e a Presidenta da Sociedade Cultural e Recreativa Ledicia, Rocío Rivera, presentaron este venres nos xardíns da institución a XXXIII Feira do Bonito de Burela, que terá lugar os días 4, 5 e 6 de agosto. O organismo provincial colabora con esta cita, recoñecida como Festa Galega de Interese Turístico, cunha achega de 8.000 euros dentro da súa aposta polo impulso do sector pesqueiro e dos produtos do mar para xerar riqueza na provincia luguesa.
Campos Conde destacou que “esta cita é unha oportunidade económica única para a provincia, pois impulsa un sector punteiro como a pesca, que é capaz de dar emprego a miles de familias lucenses e xerar un volume de negocio de máis de 125 millóns de euros; ao tempo que promociona os produtos do mar e así como a riqueza de toda a Mariña, nunha época, como o verán, na que son milleiras as persoas que nos visitan”.
“Xunto a Viveiro co porto de Celeiro, Burela é o Concello lugués pesqueiro por excelencia. Este sector representa preto do 30% da economía municipal. Só atendendo ás capturas de bonito no porto burelés, estas superaron as 1.600 toneladas o ano pasado, conseguindo un volume de negocio de 7 millóns. As cifras falan por si mesmas. Temos que pór en valor a riqueza da nosa provincia con iniciativas coma esta para impulsar a económica e o emprego”, subliñou.
Esta cita, organizada por Ledicia e o Concello de Burela, celébrase dende o ano 1983 de xeito continuado e pouco a pouco foi tomando entidade ata ser recoñecida Festa Galega de Interese Turístico no 1999. Facendo honra da súa condición de porto líder en bonito do Norte, os veciños de Burela e os miles de visitantes desfrutarán desta xornada gastronómica en torno ao seu famoso pescado, do que prepararán preto de 3.000 quilogramos.
A degustación, amenizada pola música das gaitas, terá lugar nunha carpa instalada no peirao, onde as racións de bonito, a 8 euros cada unha, presentaranse de moitas maneiras: en empanada, cocido, asado a grella ou sen glute, ente outros. Como novidade, o domingo 6 de agosto, repartiranse racións do tradicional marmitako, elaborado co bonito do norte fresco. Nos últimos anos, a Feira do Bonito vén obtendo unha afluencia de público de arredor de 10.000 persoas o que repercute na economía e no turismo de toda a Mariña lucense.
Programación da Feira
Venres 4 de agosto
23:00 horas.- Festa cos dj´s Xriz, José de Rico e Dr. Bellido. Espectáculo organizado pola delegación de Cultura do Concello de Burela.
Sábado 5 de agosto
12:00 horas.- Actividades infantís.
13:00 horas.- Aperitivo musical a cargo de Joni Ramos.
13:30 horas.- Recepción de autoridades e convidados no barco-museo “Reina del Carmen”. Recoñecemento da Bandeira Azul outorgada ao barco-museo. Terá lugar a presentación da Feira do Bonito, nomeamento do Asador Maior e da Colaboradora de Honra e entregaranse os premios do Concurso de Carteis.
14:00 horas.- pregón a cargo de Sergio Pazos. Ao remate, comezará a degustación gastronómica.
De 16:00 a 20:00 horas.- Actuación de Tropical, que animará a celebración do I Certame internacional de pintura mural AMARTE.
18:00 horas.- Xogos e actividades infantís-
21:00 horas.- Presentación do Festival Osa do Mar 2017, coas actuacións de Miss Lane & The Kriptonians e Cora Sayers.
00:00 horas.- Actuación de El último tributo, organizada pola delegación de Cultura do Concello de Burela. Para finalizar a xornada, terá lugar o concerto de Everest.
Domingo 6 de agosto
13:00 horas.- Degustación de Marmitako, amenizada con música ao vivo.
15:00 horas.- Entrega de premios do certame de pintura mural AMARTE.
Certame internacional de pintura AMARTE
O concurso de murais a nivel internacional terá lugar os días 4, 5 e 6 de agosto no porto de Burela, coincidindo coa Feira do Bonito. O certame de pintura conta con 10 espazos para realizar murais nos bloques situados no murallón do peirao. A temática dos murais é o mundo do mar. Os artistas serán seleccionados previamente por un xurado profesional que está presidido polo artista Alfonso Otero Regal. Os obxectivos deste evento cultural son recuperar un espazo público e darlle un toque estético e artístico a esta zona do porto, un dos puntos neurálxicos e socioeconómicos máis importante do municipio burelense. Ademais con esta cita cultural, incentívase a actividade artística da zona da Mariña ao tempo que reivindicase ao Concello como lugar de creación.
Produart
Paralelamente á festa gastronómica, nos últimos anos ten lugar na nave de redes de Burela a mostra de Produart, organizada pola Fundación Expomar, de produtos ecolóxicos e artesáns. Este ano é a súa XV edición, na que se celebrarán mesas redondas, proxeccións e exposicións sobre temas medioambientais e ecolóxicos.
Ocorreu escasos minutos despois das 15 horas deste domingo, e foron recollidos pola embarcación Salvamar Shaula, de Salvamento Marítimo. Atopábanse subidos a unha balsa inchable na praia de Basteira, na Pedra (Cariño), foron arrastrados pola corrente e eran incapaces de retornar á beira. Dúas persoas metéronse na auga tratando de rescatalos, sen éxito. Ao final, a embarcación de rescate de Salvamento Marítimo recolleu aos menores e levounos ilesos ata o porto de Cariño. Ademais de a Salvamento Marítimo, desde o 112 Galicia informouse ao Servizo de Gardacostas de Galicia e aos axentes da Garda Civil.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
