Foz 28-7-17. Un total de dez días e nove concertos conta esta primeira xira de Xógara na que lle
regalará a súa música á audiencia galega. Unha tournée máxica que pecha co seu último concerto o martes 8 de agosto ás 23.00h na Praza Conde de Fontao de Foz .
Quen anda tras este nome que para a xente galega fala das pedras que aparecen cando baixa a marea? Xógara naceu en Oxford da man de tres músicos británicos e un galego e é un proxecto que encarna a mellor tradición europeísta da música folk. Non por nada un dos seus últimos temas é unha versión do tema de John Spiers ‘Fuck the Tories’.
Siriol Davies, a voz principal, procedente do País de Gales, non só nos regala coa súa garganta, senón tamén co seu oboe e con pequenas percusións sorprendentes. John Ruddock, voz curtida no West Country a base de Sea Shanties (as cantigas de traballo mariñeiras) bríndanos o ritmo das cordas da súa guitarra e o seu bouzouki. Da mesma comarca vén Jo Hamilton que trae algunha das composicións máis prezadas desta banda e pon a madeira nos ventos do seu saxo soprano e da súa frauta. Mano Panforreteiro pon as gaitas galegas e o low whistle. O único galego desta banda vén de Foz, alí onde a palabra xógara resona moito máis ca un seixo.
A tournée de Xógara é única e diversa coma a propia banda. Comeza o domingo 30 de xullo nos xardíns do Eido Dourado, museo situado fronte á Praia da Pasada en Barreiros. O segundo concerto ten lugar en Ribadeo, para todas aquelas persoas que se acheguen ao Parque San Francisco. O primeiro serán do mes de agosto o concerto será no “Cinema Palleiriso”: unha palleira reconvertida en auditorio usando as butacas dos cines que pecharon en Ourense e Chantada. Deste xeito celebra a xente da Casa das Árbores de Chantada cinco anos animando e traballando polo medio rural. O 2 de agosto Xógara recala na sala máis dinámica de Galicia: A Arca da Noe, en Vilar de Santos. O xoves 3 de agosto fan concerto na sala A Fundación de Melide. “Zoelas” amadriña este concerto tocando un par de temas e interpretando por vez primeira con Xógara dúas cantigas: unha galesa e outra galega. Ocasión única para escoitar estas dúas bandas nun mesmo escenario. Venres e sábado Xógara vai cara a Ortegal. O “Mar de Mares” en Espasante e “Paralaia” en Ortigueira acollen cadanseu concerto. Despois dun día de descanso chega a recta final desta tournée: Santiago de Compostela e Foz.
“A Gentalha do Pichel”, incansable en Compostela, acolle este concerto. Moita festa traerá o último concerto, parte das patronais de Foz, que se celebra na noite do martes 8 de agosto. O público poderá disfrutar nesta xira dunha chea de sonoridades pouco habituais: os fonemas do galés, o galego na boca de cantantes británicos, as harmonías atrevidas e os contrastes entre a música caladiña e os altos decibelios. Un proxecto expansivo que non sabe de fronteiras. Para non perder.
Unha nova edición que está organizada pola Asociación Clásicos Mindonienses Mira e Anda e que conta coa colaboración do Concello de Mondoñedo, o Concello de Abadín e os locais de hostalería Finca San Antonio, Perlora e A Taberna da Galiana de Mondoñedo.
Os feitos delituosos tiveron lugar a pasada fin de semana, cando o presunto autor tentou acceder ao interior das instalacións da piscina municipal, ocasionando danos á porta de acceso por un valor de 600 euros. No marco da investigación procedeuse á súa detención ao constarlle unha requisitoria en vigor dimanante do Xulgado do Penal nº 1 de Lugo de detención, comparecencia e ingreso en prisión. A persoa detida foi trasladada para o seu ingreso no centro penal de Bonxe.
Con esta iniciativa, aberta para todas as persoas nadas en 2018 ou en anos anteriores, búscase incentivar á práctica deportiva á vez que poñer en valor uno dos enclaves naturais do municipio. A actividade desenvolverase en horario de mañá de 10:00 a 14:00 horas, e conta cun número limitado de prazas. Por iso, será necesario realizar unha inscrición gratuíta a través dun formulario dispoñible nas redes sociais do Concello. O prazo de inscrición estará aberto ata o luns 2 de xuño ás 14:00 horas. As prazas iranse adxudicando por orde de inscrición.
Esta interiorista ofrece os seus servizos a persoas que senten que a súa vivenda xa non encaixa con elas, que lles gustaría facer cambios pero non saben por onde empezar ou que están a piques de entrar nun domicilio novo e se estresan só de pensar todo o que hai que decidir.
Os feitos iniciáronse o pasado martes, cando unha patrulla identificpi a unha veciña de Cervo, de 32 anos de idade, a cal, ao observar a presenza dos axentes apeouse do vehículo que conducía, permitindo que o seu acompañante continuase o traxecto. A maneira de actuar de ambos levanto as sospeitas dos axentes, polo que se procedeu a identificar aos dous ocupantes do turismo, comprobando que a persoa que inicialmente o conducía nunca obtivera permiso de conducir algún. Transcorridas menos de 24 horas e, paradoxalmente no mesmo lugar, observouse a un veciño de Mondoñedo de 51 anos de idade, o cal conducía un vehículo malia constarlle unha perda de vixencia do permiso de conducir por esgotamento de puntos. As dilixencias policiais foron remitidas ao Xulgado de Instrución de Garda de Mondoñedo.
É a 15ª edición que, nesta ocasión, se celebrará as fins de semanas do 16-17 de maio (na zona de Abrela, Folgueiro e San Román) e do 23 e 24 de maio (na zona de O Vicedo). Unha oportunidade de probar as especialidades dos restaurantes e cafeterías locais e de participar nun sorteo de 2 pranchas de asar. Os establecementos participantes entran no concurso ao mellor pincho que será votado exclusivamente polos clientes que acudan mediante voto directo en urna con cada pincho que terá un prezo de de 4€.
Na presentación do cartaz participou o alcalde, Demetrio Salgueiro, acompañado das concelleiras Dolores, Cristina e Tamara e dos membros da Comisión de festas Benigno, Carlos, Borja e Dalmacio. Todxs convidan a veciños/as e visitantes a desfrutar deste día de alegría e facelo vestidxs de branco.
