Mondoñedo, 10 de xullo de 2017. Os socialistas de Mondoñedo critican o abandono que sufre o Castro de Zoñán. Lembran que este Castro é un clásico dentro da arqueoloxía galega, xa que foi o primeiro en ser escavado no ano 1967, despois retomáronse a as súas escavacións no 2002.
Explican que “no Castro de Zoñán non hai excavacións dende o ano 2011, polos recortes de Feijoo, e onde despois dez anos de intervencións paralizáronse polo Partido Popular“.
“Non entendemos como a Xunta pode anunciar un investimento para outro Castro da localidade, cando ten un catalogado e completamente esquecido”, advertiu Esperanza González.
González sinala que o Goberno de Elena Candia “en pleno mes de xullo esquecese do rico patrimonio arqueolóxico que conta a cidade. Calquera visitante que quixera hoxe acercarse ata o Castro de Zoñán non podería facelo polo abandono que sofre o entorno, e pola maleza existente”.
A voceira socialista critica que administración autonómica se adique a investir nun Castro da cidade, desatendendo a outro. “Non entendemos como non se sigue intervindo no Castro de Zoñán, e se adican recursos públicos a delimitar outro Castro na cidade sen ningún tipo de criterio”, resumiu.
Por último remarca que “a mala xestión do Goberno de Elena Candia priva a moitos visitantes de coñecer o potencial turístico de Mondoñedo, ou incluso levar unha mala imaxe na cidade”.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
O público poderá desfrutar dunha proposta que parte da música tradicional galega, combinando a gaita e as frautas con instrumentos como o violín, acordeón, guitarra, baixo ou percusión, nunha mestura de tradición e modernidade cun marcado carácter atlántico e celta. A actuación, con entrada libre, ofrece unha noite para gozar da música galega en directo e seguir achegando a cultura e a tradición aos espazos públicos do municipio.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Foi a unhas oito millas de Estaca de Bares. O 112 Galicia tivo coñecemento do suceso arredor das 22:30 horas deste luns a través do Servizo de Gardacostas de Galicia, que indicou que se mobilizaba o helicóptero Pesca II logo de que se producise lume nun barco, con tres tripulantes a bordo. Porén, os mariñeiros foron evacuados do lugar a través dun pesqueiro que se atopaba na zona para, posteriormente, ser trasladados en ambulancia. Por outra banda, o barco finalmente afondou no mar. Cómpre mencionar que neste operativo tamén participaron Salvamento Marítimo e a Garda Civil.
Esta actividade, organizada polo Concello de Lourenzá, será na praza César Chavarría Pacio e haberá tres funcións: ás 13:00, ás 18:30 e ás 20:00 horas. A entrada é de balde por orde de chegada ata completar aforo. A alcaldesa de Lourenzá, Rocío López, destaca que “a maxia é unha desas propostas que sempre ten unha acollida moi especial en Lourenzá. Gusta aos pequenos, pero tamén consegue sorprender e ilusionar aos maiores, converténdose nun plan perfecto para gozar en familia”.
Xunto a autoridades locais, destacou a importancia de preservar as tradicións e lembrou que a Deputación destinou este ano 400.000 € ao Concello para servizos básicos. A festa, creada en 1992 e impulsada pola Asociación de Amigos da Malla, busca recuperar e poñer en valor este oficio tradicional. A programación incluíu documental, obradoiros, música, exposicións de maquinaria antiga e actividades para nenos.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
