A Mariña, 10 de agosto de 2017. A Mancomunidade de Municipios da Mariña fai un balance moi positivo do plan Avanza que rematará o 31 de agosto. Trátase dun programa integrado para o emprego no que participaron 60 persoas das que 21 traballaron un mínimo de tres meses en empresas da comarca. Foron 6 os concellos beneficiarios do mesmo. Para participar na segunda parte deste plan Avanza sería necesaria a participación de 9 ou 10 Concellos da Mancomunidade e de 85 persoas.
O presidente da Mancomunidade de Municipios da Mariña, Alfredo Llano, manifestou que “está a punto de culminar xa o que é o primeiro programa integrado para o emprego que na Mancomunidade solicitamos o ano pasado, para traballar con colectivos de difícil inserción laboral. E temos que dicir que foi totalmente un éxito a realización deste programa que nosoutros titulamos como plan Avanza”.
Llano lembrou que “na Mancomunidade o ano pasado solicitáramos seis concellos, e resultou unha experiencia penso que moi boa incluso tamén para as persoas que estaban desempregadas. Eran persoas que estaban nunha situación difícil para atopar un emprego, déuselles formación específica a 60 persoas, e a 21 delas déuselles un traballo durante un mínimo de tres meses. Neste programa que ten que estar rematado o 31 de agosto, aínda hai oportunidade de poder empregar algunha persoa máis”.
O presidente da Mancomunidade dixo que “estes seis concellos que nos unimos o ano pasado para aproveitar a subvención que viña por parte da Xunta, houbo que aportar algún cartos por parte dos concellos, pero foi o mínimo comparado co resultado que deu, pensamos que foi un éxito absoluto e estamos todos moi satisfeitos”.
Alfredo Llano anunciou que “agora vólvese publicitar para este ano a oportunidade de facer unha segunda edición deste programa integrado. Este ano cambiaron certos aspectos, na edición pasada eran sesenta persoas e era un colectivo moi determinado. Este ano sería para ese mesmo colectivo de persoas de difícil inserción, pero tamén se abren un pouco máis as posibilidades a outros colectivos que aínda que non reúnan estas condicións que se esixían o ano pasado poden cumprir outras que poden servir para insertalas neses programas. Este ano esíxese un mínimo de 85 persoas e hai que facer unha inserción laboral como mínimo de 25 ou 26 persoas”.
O presidente da Mancomunidade de Municipios da Mariña engadiu: “pensamos que sería bo que non soamente seis concellos se unisen de novo a este plan Avanza, senón que se necesitarían un mínimo de dez para que este programa este ano fose ben aproveitado, e que se puidera favorecer a inserción laboral e a formación que isto representa para moita xente da Mariña lucense. Onte tivemos unha reunión para falar disto, pero non se tomou unha conclusión definitiva. Imos estudar en cada un dos concellos cómo están as bases e a predisposición para colaborar nesta integración laboral”.
Alfredo Llano rematou a súa intervención sinalando: “imos agardar ata o día 16 deste mes para sabelo definitivamente. Se é posible acadar un mínimo de nove ou dez concellos que queiran aproveitar este programa, farémolo e senón veremos a ver qué é o que se pode facer. Evidentemente ter que traballar con esas 85 persoas desocupadas conleva que exista un compromiso. Sería óptimo que se comprometeran nove ou dez concellos da Mancomunidade”.
A mancomunidade de municipios da Mariña fai un balance moi positivo do plan Avanza que conclúe o vindeiro 31 de agosto. No programa participaron 6 concellos e 60 persoas, das que 21 traballaron en empresa da comarca
Relacionado
-
Lucía Legazpi López gaña a viaxe a Lanzarote no sorteo do Pasaporte de Acisa
-
Mondoñedo acolleu este sábado a XII Xornada Anual da SOGAMP, centrada nos retos da medicina preventiva
-
A Xunta impulsa en Ribadeo a celebración do foro ‘España Verde: un destino de calidade’ para reforzar a oferta turística da Mariña
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
