A Mariña, 16 de agosto de 2017. O presidente da Mancomunidade de Municipios da Mariña, Alfredo Llano, pide a retirada da lei de saúde pública que o goberno galego quere modificar, e que se cree unha comisión de traballo na que os Concellos e Mancomunidades poidan opinar sobre a situación da sanidade nas súas vilas e comarcas.
Alfredo Llano manifestou que “visto e analizado este anteproxecto, evidentemente estamos tomando cartas no asunto tanto a nivel de partido, como de parlamento, de Mancomunidade e de Concellos afectados porque consideramos que isto hai que debatelo, e desde logo que haxa participación para acometer isto, que consideramos que é moi importante”.
O presidente da Mancomunidade de Municipios da Mariña dixo que “en coherencia co que se está facendo tamén no parlamento en todos os eidos e Concellos afectados, desde aquí imos mandar dúas propostas. Unha delas é que se retire o anteproxecto da lei de saúde pública. E despois que se faga un grupo de traballo que inclúa a representantes de todos os partidos políticos, do parlamento de Galicia, da FEGAMP e solicito que esteamos presentes todos os Concellos afectados. Na Mariña polo menos os 16 concellos que formamos parte da Mancomunidade que sexamos chamados a este grupo de traballo para ter a nosa opinión sobre o que é a comarca da Mariña e o Hospital da Costa. Tamén que estean os sindicatos, as organizacións de pacientes e outros colectivos de relevancia no eido sanitario galego para determinar as posibles necesidades de modificación”.
Llano indicou que “o que se pretende é que haxa debate, acordo e consenso porque na sanidade pública creo que debemos estar todos implicados, e desde logo aportar todo aquilo que sexa preciso e que realmente mellore, e sobre todo que non se perda ningún tipo de atribución, a calidade nin a necesidade dunha sanidade pública competente, e polo tanto debemos estar aí”.
Alfredo Llano subliñou que “acabamos de enviar estas dúas propostas e non quita que máis adiante se sigan enviando propostas cando se comece a traballar no anteproxecto a partir do mes de setembro. En principio mandamos estas dúas para que poidamos ter confianza e seguridade de que se van facer ben, e sobre todo pensando sempre no servizo público, que é o que hai que tratar de mellorar”.
A mancomunidade de municipios da Mariña solicita a retirada da lei de saúde pública e a creación dun grupo de traballo con representación dos concellos afectados
Relacionado
O lume iniciouse ás 14.51 horas e para a súa extinción mobilizáronse, polo de agora, 2 técnicos, 7 axentes, 11 brigadas, 12 motobombas, 1 pa, 5 helicópteros e 7 avións.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
