Ribadeo, 1 de agosto de 2017.- A Xunta de Galicia está a promover actuacións para mellorar as dotacións e servizos públicos no municipio de Ribadeo que alcanzan un investimento de máis de 400.000 euros.
O delegado territorial, José Manuel Balseiro, destacou que entre os proxectos máis recentes figuran as obras de acondicionamento, humanización e mellora da seguridade viaria na travesía Francisco Iglesias, ás que se achegan 40.000 euros, financiando a porcentaxe máxima sobre o orzamento global que prevé este programa da Vicepresidencia e Consellería de Presidencia, Administración Públicas e Xustiza.
Cómpre lembrar a importancia estratéxica desta travesía que dá servizo a Escola de Idiomas, situada dentro do casco urbano de Ribadeo, no límite con zonas sen edificar e o instituto.
O espazo incorporará novos equipamentos urbanos e mellorará a súa cohesión social e urbanística co resto da vila. Entre as actuacións previstas está o ensanche da beirarrúa e pavimentación con baldosa hidráulica na superficie peonil e de aglomerado en quente na zona da calzada.
A obra contempla tamén a substitución dos farois actuais para unha mellor iluminación e a substitución das canalizacións existentes Finalmente prevese a instalación de bancos e papeleiras
Outras intervencións
O Concello de Ribadeo recibirá unha axuda de máis de 15.000 euros da Consellería de Economía, Emprego e Industria para a instalación dunha rede de videocámaras no polígono industrial.
Este departamento tamén destina 48.500 euros a subvencionar a contratación de cinco persoas perceptoras da Renda de Integración Social de Galicia (RISGA), e 21.000 euros á contratación de sete socorristas, así como 140.200 euros ao desenvolvemento dun obradoiro de emprego sobre produción fotográfica, operacións de gravación e tratamento de documentos.
Turismo de Galicia promove a instalación dun punto interactivo de información turística no centro urbano e apoia a Xira de Santa Cruz, declarada de Interese Turístico Galego, e a Consellería de Cultura e Educación realiza obras de reparación no CEIP Gregorio Sanz, iniciativas que suman preto de 28.000 euros.
Por último, cabe lembrar que se iniciou en xullo o novo contrato da Consellería de Medio Ambiente e Ordenación do Territorio para a ordenación do uso público e divulgación dos valores naturais da praia das Catedrais durante as próximas anualidades (ata a Semana Santa do ano 2019, incluída) por importe de preto de 120.000 euros.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
