LUGO, 1 de agosto de 2017.- A presidenta provincial do PP de Lugo, Elena Candia, destaca que o investimento anunciado no día de onte polo presidente da Xunta de Galicia, Alberto Núñez Feijóo e o ministro de Fomento, Íñigo de la Senra, e que supón unha mellora clara das comunicacións de Lugo co resto de Galicia, demostra “o compromiso firme dos Goberno autonómico e central coa nosa provincia e cos lucenses”. A dirixente dos populares fai esta valoración logo de asistir ao acto de colocación da primeira pedra das obras do treito da A-54 Palas de Rei- Melide, e onde Feijóo e de la Senra deron conta, ademais, dos avances destas dúas administracións na xestión doutros proxectos relevantes para Lugo, como son o AVE, a VAC de A Mariña e a autovía que conectará a provincia coa de Ourense.
“Xa non haberá unha Galicia de dúas velocidades, e que viña dada, en gran parte, por unha diferenza nas comunicacións entre as provincias do interior e a zona atlántica. Podemos dicir que, grazas a este compromiso, se asegura o reequilibrio territorial e se salda unha débeda histórica”, afirma a popular.
Comunicacións na Mariña
Deste xeito, a presidenta provincial pon en valor, en primeiro lugar, a manifestación pública da vontade destes dous Gobernos por impulsar a Vía de Alta Capacidade de A Mariña, que comunicará esta comarca coa A-8, e que se traduce no anuncio da realización de proxectos construtivos e de investimento. “Trátase dunha boa nova que, como alcaldesa da zona, e como unha veciña máis, agradezo e quero recoñecer especialmente”, remarca.
Asemade, tamén destaca os trámites de Fomento por intentar diminuír os problemas da néboa na Autovía A-8. “Ao igual que no caso da importancia de executar a VAC canto antes, son coñecedora da necesidade de buscar unha solución a este problema. Que onte se nos dixese que se están facendo estudos para intentar remediar os continuos cortes nesta estrada tamén é importante. O problema está claro que existe, pero creo que tamén temos que valorar o esforzo do Goberno por atallalo”, conclúe.
A provincia conectada tamén con Santiago e Ourense
Na mesma liña, Elena Candia agradece o esforzo inversor que están a realizar de forma xeralizada a Xunta de Galicia e o Goberno Central en materia de infraestruturas e que, co inicio as obras do treito da A-54 Palas-Melide, sinala, “se avanza na vertebración de Lugo coa capital de Galicia”. E é que, tal e como anunciaron este luns o titular autonómico e o responsable da carteira de Fomento, a previsión que manexan ambos os dous organismos é que todo o vial estea en obras este ano, chegado así o investimento total aos 255 millóns de euros.
Por outra banda, indica, “e non menos importante”, é que tamén se anunciou que se están dando pasos para impulsar a autovía que conectará Lugo con Ourense. Respecto deste asunto, engade: “reitero as palabras do presidente da Xunta: Lugo está na axenda prioritaria deste ministerio”. Neste caso concreto, a previsión que manexa a administración que dirixe Feijóo é licitar este ano obras en distintos treitos por valor de máis de 35 millóns de euros.
O compromiso co AVE, “unha realidade”
Elena Candia quere aproveitar a ocasión para subliñar tamén as actuacións anunciadas para que “Lugo non quede descolgada do tren de alta capacidade”, e que inclúen, por unha banda, a licitación da electrificación e o reforzamento naqueles treitos nos que as vías convencionais se van a converter en vías de alta capacidade e, pola outra, nas que cambian de trazado, seguir tramitando os proxectos construtivos para proceder á súa licitación.
“Malia o que moitos se afanan en dicir continuamente, non só o compromiso do Goberno co AVE é unha realidade, senón que o enlace a Lugo é unha prioridade. Como lucense agradezo que se estean avanzando nos trámites para a súa posta en marcha. Creo que queda claro que a Xunta e o Goberno si que teñen en conta os intereses e as demandas dos lucenses. Dende logo, e así me comprometo, dende o Partido Popular seguiremos traballando para que así sexa”, conclúe.
O lume iniciouse ás 14.51 horas e para a súa extinción mobilizáronse, polo de agora, 2 técnicos, 7 axentes, 11 brigadas, 12 motobombas, 1 pa, 5 helicópteros e 7 avións.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
