Lugo, 8 de agosto de 2017. A Deputada de Cultura, Deseño e Artesanía, Pilar García Porto, o Alcalde de Foz, Javier Jorge Castiñeira, e o produtor KiKo López, presentaron este martes en Foz, o Tentacle Summer Fest 2017, o festival de música house que terá lugar os días 18 e 19 agosto nesta vila lucense. O Goberno da Deputación contribúe ao financiamento deste evento musical, na produción do mesmo.
García Porto destacou que “dende o Goberno da Deputación apostamos por estas iniciativas que contribúen a dinamizar as nosas nas vilas, sendo un importante revulsivo económico e turístico para a Mariña, pois esperase preto de 1.300 visitantes para asistir a esta nova edición. Esta iniciativa enmárcase na aposta do Goberno da Deputación coa cultura na nosa provincia, pois achegamos gratuitamente a todos os veciños, programacións musicais de todo tipo de xéneros, como o Ressurrection Fest, o Festival de Blues, o Lugo Ágora Son ou o MusicAD, estimulando e activando a vida dos nosos municipios”.
Avanzou ademais que o organismo provincial colabora con outras iniciativas musicais da vila de Foz como o festival “Coa nosa fala”, que se acaba de celebrar, e que foi un éxito rotundo, ou o certame de Voces Xóvenes. “Estas actividades contribúen a promocionar a nosa lingua, a nosa cultura, e ao mesmo tempo dinamiza a axenda cultural e festiva deste Concello, onde nesta época é visitado por milleiros de visitantes”, resumiu.
Javier Castiñeira agradeceu a implicación da Deputación neste evento, e convidou a todos os visitantes a achegarse a Foz, “para desfrutar da musica house, e ao mesmo tempo visitar as nosas praias, degustar a nosa gastronomía, e tamén coñecer de preto o noso rico patrimonio natural e cultural”. Sinalou que o entorno onde se celebra este evento, a ría de Foz “é un espazo privilexiado, onde ademais de gozar da música, pode contemplarse ás vistas ao mar, o que o converte a este festival nunha experiencia única”.
Venta anticipada de entradas a 12 euros
Kiko López avanzou que as entradas poden mercarse por internet, ou nos locais Mustage ou Longarela Moda a 12 euros. Tamén poden adquirirse en taquilla por 15 euros, ou o mesmo día do concerto.
Programación e Masterclass
O Tentacle Summer Fest 2017, comezará o venres día 18 de agosto con charlas, ponencias técnicas e proxeccións da man de Nacho Marco, Ernie Minuendo e Dr. Think.
Nesta masterclass sobre produción, Nacho Marco, diseccionará o seu traballo realizado para Ovum Recordings “Warm Trax Vol.2”. O sábado día 19 de agosto o festival arrancará ás 12:00 horas coa participación de once DJs do panorama nacional e internacional. As actuación serán as seguintes; El_txef_a, Nacho Marco, Ernie Minuendo, Abu Sou, Grobas, Certain People, Vitor P, Dial Combo, Old School House Bastards,Tropicvl Bxyz e Nari&Dicarmita.
Ampla representación galega
Nesta edición participan unha boa representación da escena galaica encabezados por Dial Combo, que presentasan a You_o, Mou e Psychodandy, verdadeiros axitadores do underground ourensano; a formación Old School House Bastards realizando un novidoso directo; os inclasificables e divertidos Tropicvl Bxyz que trasladan a tolemia das súas noites Tropical desde a súa natal Lugo á sesión vermú, e a dupla focense Nari&diCarmita, e o veterano mindoniense Vítor P.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
O público poderá desfrutar dunha proposta que parte da música tradicional galega, combinando a gaita e as frautas con instrumentos como o violín, acordeón, guitarra, baixo ou percusión, nunha mestura de tradición e modernidade cun marcado carácter atlántico e celta. A actuación, con entrada libre, ofrece unha noite para gozar da música galega en directo e seguir achegando a cultura e a tradición aos espazos públicos do municipio.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Foi a unhas oito millas de Estaca de Bares. O 112 Galicia tivo coñecemento do suceso arredor das 22:30 horas deste luns a través do Servizo de Gardacostas de Galicia, que indicou que se mobilizaba o helicóptero Pesca II logo de que se producise lume nun barco, con tres tripulantes a bordo. Porén, os mariñeiros foron evacuados do lugar a través dun pesqueiro que se atopaba na zona para, posteriormente, ser trasladados en ambulancia. Por outra banda, o barco finalmente afondou no mar. Cómpre mencionar que neste operativo tamén participaron Salvamento Marítimo e a Garda Civil.
Esta actividade, organizada polo Concello de Lourenzá, será na praza César Chavarría Pacio e haberá tres funcións: ás 13:00, ás 18:30 e ás 20:00 horas. A entrada é de balde por orde de chegada ata completar aforo. A alcaldesa de Lourenzá, Rocío López, destaca que “a maxia é unha desas propostas que sempre ten unha acollida moi especial en Lourenzá. Gusta aos pequenos, pero tamén consegue sorprender e ilusionar aos maiores, converténdose nun plan perfecto para gozar en familia”.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
