Lugo, 25 de agosto de 2017. O Goberno da Deputación achega unha completa programación cultural e gastronómica durante a fin de semana dinamizando a economía da provincia con 57.000 euros que permiten a celebración dende hoxe e ata o domingo de 6 citas turísticas ao longo do territorio lucense.
Esta achega económica enmárcanse no Plan Estratéxico de Turismo, que establece a promoción da cultura, gastronomía ou a natureza, como aspectos diferenciais de cada un dos Concellos da provincia de Lugo, que permiten ofrecer unha oferta única e variada, atraendo a visitantes e xerando riqueza e postos de traballo a través do turismo.
Deste xeito, ao longo da fin de semana agárdase que milleiros de persoas se acheguen a participar na III Feira do Libro, en Burela, no III Festival dos Eidos, en Folgoso do Courel, na XII Festa da Pandeira, en Cervantes; no XV Festival Terra Brava, no Incio, no Folión de Carros, en Chantada; e na XVI Festa do Pemento de Mougán, en Guntín.
Durante toda a fin de semana, citas en Burela e Parada do Courel
Hoxe, venres 25 de agosto, darán comezo dúas das iniciativas promovidas polo Goberno da Deputación en Burela e Parada do Courel, que se prolongarán durante toda a fin de semana. Trátanse da III Feira do Libro no municipio da Mariña e o III Festival dos Eidos, que terá lugar na Montaña Lucense. Ambas iniciativas contan co patrocinio principal do Goberno da Deputación, que decidiu achegar 38.000 euros para facer posible a súa organización.
A Feira do Libro de Burela arrancará hoxe co pregón da escritora Marica Campo e continuará ata o domingo incluído. Contará con 10 expositores doutras tantas librerías, presentacións e sinaturas de publicacións dos propios autores, ademais das actuacións de Luar na Lubre ou do cuarteto local de jazz, así como actividades para nenos como contacontos. O Goberno da Deputación colabora co Concello de Burela na organización deste evento cunha achega de 3.000 euros.
Os outros 35.000 euros son para a celebración do III Festival dos Eidos, organizado pola Fundación Uxío Novoneyra, en Parada do Courel. Son tres días de programación contemporánea que inclúe recitais, concertos, artes perfomativas e do corpo, exposicións e roteiros culturais. Todo nun marco privilexiado: a Casa da Fonte en Parada, o Souto da Rubial e as montañas do Courel. O Festival chega a súa terceira edición ampliando as actividades e o número de asistentes.
Sábado e domingo, citas no Incio, Cervantes, Chantada e Guntín
O sábado, o Concello de Cervantes acollerá a XII Festa da Pandeira, unha das citas máis consolidadas na Serra dos Ancares, que promove a tradición musical da contorna, e para a que o organismo provincial achega 2.500 euros. Reunirá a case unha decena de pandeiras de Lugo, Asturias e Castela León, consideradas como as mellores destas zonas. Haberá obradoiros gratuítos para aprender a tocar este instrumento e os seus bailes da man de profesionais.
Así mesmo, no Concello do Incio celebrarase o XV Festival Terra Brava. Este certame musical enmárcase dentro da programación cultural e turística do Concello do Incio, coa que colabora o Executivo Provincial cunha achega económica de 8.000 euros, o que permite a celebración de distintas actividades ao longo do ano. A xornada contará cunha sesión vermú, un xantar popular e actividades infantís. O Festival, que dará comezo ás 21:00 horas, contará coa actuación dos grupos galegos: Carunchos, Xarín, Banda Xangai & Jarbanzo Negro e Desviaos.
Mentres que en Chantada terá lugar o Folión de Carros, declarada Festa de Interese Turístico Galego, na que bois e vacas tiran dunhas carrozas, nas que se representan distintos oficios tradicionais, como a cantería, a forxa ou a cestería, entre outros. O Goberno da Deputación colabora coa Asociación Cultural Amigos do Folión cunha achega de 2.500 euros, coa que se restauraron seis dos carros que se van a empregar durante esta cita, recuperando e impulsando este tipo de tradicións ligadas á cultura galega e moi enraizadas na Comarca de Chantada.
Finalmente, o sábado dará comezo a XVI Festa do Pemento de Mougán, que se estenderá tamén ao domingo. O Goberno Provincial colabora co Concello na organización desta cita, cunha achega de 6.000 euros. Faino para contribuír á promoción deste produto autóctono, que conta co distintivo de Indicación Xeográfica Protexida. De feito, o Executivo da Deputación tamén colabora coa Asociación de Produtores do Pemento de Mougán mediante outras axudas económicas que facilitan a súa actividade.
Destacou o labor da asociación xuvenil A Rumboia, que en poucas edicións converteu o evento nun referente cultural da Terra Chá e nun motor para o turismo e a economía local. O cartel inclúe Caamaño & Ameixeiras, Ulex, La Txama, Boyanka Kostova, Bea Fernandes e Lucasiito B2B Somiiux. Haberá tamén actividades para todas as idades —xogos, obradoiros, contacontos e artesanía— no campo da feira de Gontán, con entrada gratuíta.
O Parque María Cristina da Caridá volverá encherse de oficios, sabores, música e tradición os próximos días 4 e 5 de xullo
Desde o pasado martes desenvolvéronse distintas competicións deportivas, entre elas os tradicionais torneos 3x3 de fútbol e baloncesto e un campionato de xadrez, nos que participaron preto de 300 mozos e mozas. Villares sinalou que esta convocatoria “é xa un clásico na vila e axuda a proxectar a oferta do Espazo Xove, un punto de encontro para a mocidade que ao longo de todo o ano ofrece distintas propostas de lecer, formación e participación adaptadas aos seus intereses”.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O delegado gabou o traballo realizado polo Motoclub A Cadeira para dar continuidade a esta proposta logo do éxito do pasado ano, “deixando claro desde a primeira convocatoria o seu poder de atracción e o importante papel de dinamización económica e social que xogan iniciativas deportivas e lúdicas como esta”. Na programación destacan a subida nocturna ao monolito da Cadeira, os simuladores de pilotaxe de moto GP e a exhibición de Stunt3Show, ou unha ruta turística. Ademais, houbo sesións vermú, música en directo, sorteos de premios, acampada gratuíta -cuberta e exterior- e food trucks, entre outras actividades.
A edición deste ano incorpora un novo formato organizativo: as sesións vermú ampliaranse a tres horas na Praza da Constitución e todas as verbenas trasladaranse ao Campo da Feira para mellorar a loxística e facilitar a montaxe dos espectáculos, especialmente nun ano con formacións de gran formato. O programa musical combina orquestras, grupos e DJs para públicos de todas as idades, con citas destacadas como Panorama City, Paris de Noia, Los Satélites, Costa Dorada ou a xira campestre con diferentes propostas ao longo de varios días. Desde o Concello subliñan que as festas son un espazo de encontro para a veciñanza e para quen regresa a Vilalba nestas datas, e que o obxectivo é ofrecer unha programación equilibrada e pensada para que cada persoa atope o seu lugar nunhas patronais que forman parte esencial da identidade da vila.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
