Burela a 13 de setembro de 2017. Hoxe, o Órgano de máxima representación da Área Sanitaria da Mariña, A XUNTA DE PERSOAL, celebrou concentracións en tódolos centros sanitarios da Comarca para novamente ESIXIR a RETIRADA do anteproxecto de Lei que pretende borrarnos do mapa como Área Sanitaria e RECLAMAN a capacidade de xestionar dende a Comarca tanto os centros de saúde como o hospital Mariñán para deste xeito, ofrecer unha prestación sanitaria de proximidade.
A modificación da Lei de saúde o que prentende é legalizar a mobilidade de profesionais cara o Hula e centralizar no gran Hospital as intervencións cirurxicas e as probas diagnosticas.
Rechazan enerxicamente pertencer a Área Sanitaria de Lugo, xa que iso significa centralizar os recursos sanitarios na capital e incrementar os desprazamentos da cidadanía da Mariña cara LUGO.
A Mariña precisa ser un Área Propia con decisión propia tal e como o é a Comarca do Ferrol, sentenzan.
CONFISCACIÓN DA PANCARTA
Explicaron entre os asistentes o acontecido coa confiscación da pancarta que definen como un acto de represión sen precedentes na historia do Hospital da Costa e na de todo o SERGAS e aseguraron que a pancarta non se vai mover do seu sitio ata que retiren a modificación de dita Lei.
XUNTANZA COA CONCELLEIRA DE ASUNTOS SOCIOSANITARIOS E O ALCALDE DE RIBADEO
Transmitiron as e os participantes o contido das conversas mantidas coa concelleira de asuntos sociais mais co alcalde de Ribadeo, onde se lles informou das consecuencias que ía ter a modificación da lei como que:
Legalizan a mobilidade forzosa de profesionais da sanidade da Mariña cara Lugo
Centralizan no HULA actividades asistenciais que se viñan asumindo no Hospital da Costa como operacións cirúrxicas, probas diagnósticas……, cargando sobre a cidadanía da Mariña, gastos innecesarios como desprazamentos, estancia, dietas…
As obras tan so amplían espazo físico, pero non se aumenta nin a carteira de servizos nin o cadro de profesionais polo que a consideramos unha remodelación e non unha ampliación, e que gran parte das mesmas van destinadas a un aparcadoiro, previsiblemente de pago, tal e como fixeron no HULA e no Alvaro Cunqueiro.
Non contempla un espazo para a tan necesaria resonancia magnética nin para un ortopantógrafo ou densitometría ósea, non aumenta a zona cirúrxica ( para que se nos van derivar a Lugo) nin crece a UCI, que nos últimos anos se atopa saturada de pacientes, tendo en ocasións que habilitar Habitacións-Ucis polas plantas.
O servizo de Oncoloxía foi creado en precario e en precario segue, sen a tan necesaria enfermeira de educación sanitaria e con médicos que tódolos días teñen que desprazarse dende Lugo. Queremos un servizo de Oncoloxía con médicos contratados na Mariña, que vivan na Mariña e a creación da consulta de enfermeira oncolóxica.
Tamén falamos do desmantelamento dos centros de saúde que son dirixidos dende Lugo e nos que non se cobren as ausencias de médicos, enfermeiras, persoal administrativo e nos que dende 2013, amortizaron prazas de tódalas categorías sen ningún rubor.
DESMANTELAMENTO E CENTRALIZACIÓN DA SANIDADE.
O órgano de representación das traballadoras e traballadores entende que o obxectivo do PP con esta reforma é avanzar nas políticas de desmantelamento da sanidade pública -dando cabida á iniciativa privada-, provocar unha perda do número de camas e servizos nos hospitais comarcais, dificultar a accesibilidade aos servizos sanitarios, paralizar a reforma da atención primaria, reducir o número de traballadores/as e precarizar as súas condicións laborais.
ÁREA SANITARIA PROPIA
A Xunta de Persoal incide ademais na necesidade de que A Mariña sexa un área sanitaria propia, sen depender de Lugo como ocorre na actualidade, que xestione os recursos humanos, materiais, de infraestruturas e coordine a atención especializada coa atención primaria.
Unha xerencia de área sanitaria próxima, con funcións de identificación de necesidades de saúde, planificación e xestión asistencial, de saúde pública e saúde laboral e socio-sanitaria. Isto posibilitaría un modelo integral “que favoreza o coñecemento dos problemas de saúde da súa zona e, ao mesmo tempo, a eficacia e a continuidade da atención, co lóxico beneficio para os usuarios e usuarias
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas deste martes, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
