Ribadeo, 18 de setembro de 2017. O alcalde, Fernando Suárez, agarda que a finais de outubro rematen as obras de acondicionamento, humanización e embelecemento que se están a realizar desde hai uns días no entorno do grupo Francisco Iglesias e da Escola Oficial de Idiomas. O rexedor pide desculpas polas molestias que se poidan ocasionar aos veciños e veciñas e aos usuario da EOI.
Suárez Barcia contou que “empezamos hai poucos días estas obras de acondicionamento e humanización do entorno do grupo Francisco Iglesias e a Escola Oficial de Idiomas de Ribadeo, no barrio do Xardín. Estas importantes e agardadas obras de mellora veñen continuar unha primeira actuación que desenvolvemos hai pouco tempo no eixo central desta urbanización Francisco Iglesias”.
O alcalde explicou que “agora a todo este entorno imos dotalo dun novo pavimento, tanto na calzada como nas beirarrúas, e imos aproveitar tamén para modernizar instalacións soterradas existentes, como o saneamento, o subministro de enerxía eléctrica e mesmo o alumeado público. Tamén vamos colocar novas farolas e novo mobiliario urbano e eliminaranse barreiras arquitectónicas”.
O rexedor dixo que “en total son uns 80.000 euros de orzamento e estas obras están cofinanciadas polo Concello de Ribadeo e pola Dirección Xeral de Xestión e Cooperación Económica coas Entidades Locais, da Xunta. En conxunto as obras supoñen, como sempre facemos en Ribadeo, unha aposta decidida pola humanización desta zona, pola calidade de vida e a recuperación de espazos para a nosa veciñanza”.
A obra foi adxudicada á empresa Construccións Isidro Otero “e agardamos que estea rematada a finais do vindeiro mes de outubro”.
Fernando Suárez engadiu: “seguro que imos ocasionar unha serie de molestias tanto aos residentes nesta zona como tamén aos usuarios da Escola Oficial de Idiomas, que agora precisamente van empezar a actividade lectiva, pois sempre que se fan obras seguro que se molesta, pero ao final o resultado sempre é satisfactorio e en Ribadeo estamos contribuíndo paseniñamente a facer un lugar bastante agradable para traballar, para vivir e para disfrutar”.
Fernando Suárez agarda que a finais de outubro rematen as obras de acondicionamento, humanización e embelecemento que se están a realizar no entorno do grupo Francisco Iglesias e da escola oficial de idiomas
Relacionado
-
O alumnado de 6º de Primaria do Sagrado Corazón de Ribadeo celebra a súa graduación e paso á ESO
-
O BNG facilita a aprobación dos orzamentos de Foz pero advirte que “non é un cheque en branco”
-
Este luns abre o prazo para solicitar autorizacións para celebrar comidas na rúa durante a Feira Renacentista de Viveiro
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
