Lugo, 8 de setembro de 2017. O Deputado de Turismo, Eduardo Vidal Baamonde, o Alcalde de Xermade, Roberto García Pernas, o torneiro Alfonso Francos, e a Directora Xeral de Comercio e Consumo, Sol Mª Vázquez Abeal, presentaron este venres na Biblioteca municipal de Xermade, o XVII Encontro Internacional de Torneiros da madeira, que terá lugar os días 22, 23 e 24 de setembro, no polideportivo municipal de Xermade. O Executivo Provincial colabora coa celebración desta programación artesanal cunha achega económica de 3.000 euros. Pola súa parte, o Concello de Xermade, aporta outros 2.000 euros e cede o espazo para a realización do encontro.
Vidal Baamonde subliñou que “é un pracer colaborar un ano máis co Concello de Xermade e cos mestres torneiros que participan nesta xuntanza, consolidada no tempo, na difusión e promoción dos oficios tradicionais que caracterizan a nosa cultura. Temos que promover estes distintivos para que máis xente descubra a riqueza da nosa provincia. Esta é, precisamente, unha das liñas de actuación do Plan Estratéxico de Turismo, no que se enmarca a achega económica que dende o Goberno da Deputación facemos ao encontro, na posta en valor das tradicións deste municipio, promovéndoo e contribuíndo a súa dinamización social e económica, pois durante as 3 xornadas que dura o evento, reuniranse en Xermade máis de 3.000 persoas”.
O XVII Encontro Internacional de Torneiros de madeira contará coa presenza de catro espertos e profesionais da artesanía: a inglesa, Margaret Garrard; o suízo, Jérôme Blanc; o vigués, Adrián Pena; e o veciño das Pontes, Lolo Castro. Estes mestres da tornaría realizarán demostracións en vivo e compartirán as súas técnicas cos asistentes. Ademais, haberá postos de venda de maquinaria, ferramentas artesanais, publicacións e camisetas conmemorativas, así como exposicións de pezas torneadas en anteriores edicións. As pezas máis estéticas e mellor elaboradas desta edición, serán seleccionadas para a exposición itinerante CONtornos 2016-17.
Encontros Internacionais de Torneiros
Os Encontros Internacionais de Torneiros naceron en 2001 na Aldea Artesán de A Fraga, no Concello de Xermade, coa intención de recuperar do esquecemento un oficio tradicional en Galicia, documentando as ferramentas, maquinaria, materias e técnicas de traballo, para logo dalas a coñecer ao maior número de persoas. Unha das finalidades didácticas que persegue este evento é divulgar os valores do oficio, algo que está a ter resultados satisfactorios, pois o público asistente, ten cada vez mais argumentos para diferenciar artesanía e industria. Durante os 3 días que dura o encontro, reúnense profesionais e afeccionados para compartir experiencias e coñecementos, ao tempo que se achega ao público en xeral o mundo da tornaría.
Programación de actividades
Venres, 22 de setembro: (de 14:00-16:00 péchanse as actividades).
– Ás 10:30 horas: Inauguración oficial no Polideportivo municipal.
– De 10:30 a 19:00 horas: Exposición e venda de maquinaria, ferramentas e publicacións. Exposición de pezas torneadas aportadas polos participantes. CONtornos, exposición itinerante de madeira torneada 2016-17.
– De 11:00 a 19:30 horas: Demostracións para inscritos, Margaret Garrard, jérôme Blanc e Adrián Pena.
Sábado, 23 de de setembro: (de 14:00-16:00 péchanse as actividades).
– De 10:30 a 14:00 horas: Demostracións para inscritos, Margaret Garrard, jérôme Blanc, Adrián Pena, Manuel Castro.
– De 10:30 a 19:30 horas: Exposición e venda de maquinaria, ferramentas e publicacións. Exposición de pezas torneadas aportadas polos participantes. CONtornos, exposición itinerante de madeira torneada 2016-17.
– De 16:00 a 18:00 horas: Demostracións para o público por parte de Margaret Garrard, jérôme Blanc, Adrián Pena, Manuel Castro.
– De 16:00 a 19:30 horas: Espazo de iniciación o torneado supervisado por monitores.
– De 18:00 a 19:30 horas: Escolma das pezas para a exposición itinerante CONtornos 2017-18.
Domingo, 24 de setembro: (de 14:00-16:00 péchanse as actividades).
– De 10:30 a 14:00 horas: Demostracións para o público por parte de Margaret Garrard, jérôme Blanc, Adrián Pena, Manuel Castro.
– De 10:30 a 14:00 horas: Exposición e venda de maquinaria, ferramentas e publicacións. Exposición de pezas torneadas aportadas polos participantes. CONtornos, exposición itinerante de madeira torneada 2016-17.
– De 10:30 a 14:00 horas: Presentación da exposición itinerante CONtornos 2017-18.
– Ás 13:00 horas: Clausura do XVII Encontro de Torneiros da madeira de Xermade.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
