23 de setembro de 2017. O Goberno da Deputación insta á Xunta de Galicia a retirar o seu anteproxecto de lei co que busca recortar servizos sanitarios nas áreas da Mariña e Lemos, prexudicando aos 130.000 lucenses cuxos hospitais de referencia son os de Burela e Monforte.
Faino a través da moción que presenta dende o Grupo Provincial Socialista ao vindeiro Pleno, que terá lugar o martes 26 de setembro, coa que tamén reclama ao Executivo autonómico desenvolver e dotar de orzamento á actual Lei de Saúde para verdadeiramente ofrecer aos veciños os servizos sanitarios públicos que necesitan.
O Goberno Provincial pide ademais á Xunta a creación dun grupo de traballo, que inclúa representantes de todos os partidos políticos con representación no Parlamento de Galicia, FEGAMP, sindicatos, asociacións de pacientes, colexios profesionais de sanidade e outros colectivos de referencia no eido sanitario galego, para determinar as posibles necesidades de modificación da lexislación sanitaria.
O obxectivo é que este grupo elabore un informe de conclusións, que sexa de acceso público e que propoña as posibles melloras normativas no sistema sanitario galego.
A proposta do Grupo Provincial Socialista, como formación que conforma o Goberno da Deputación de Lemos, será debatida na sesión plenaria do martes. De acadar a súa aprobación, os acordos propostos serán trasladados ao Presidente da Xunta de Galicia e ao Conselleiro de Sanidade.
Motivos da moción
O Executivo Provincial do PSOE presenta esta iniciativa logo de que o Goberno do PP na Xunta de Galicia elaborase unilateralmente un anteproxecto de lei co que busca modificar a Lei 8/2008 de Saúde de Galicia. Sen consenso algún, nin tan sequera cos profesionais do sector sanitario, o Executivo popular autonómico publicou este anteproxecto durante a época estival (2 de agosto) no DOGA para continuar coa súa tramitación de xeito imperativo. Todo isto, aínda supor modificacións de grande calado no sistema sanitario, pois afecta ao mapa de saúde, aos recursos, á formación, á investigación ou á participación no modelo público sanitario, entre outras cuestións.
Un dos aspectos que máis preocupan é, precisamente, a reorganización do Mapa Sanitario de Galicia que inclúe o anteproxecto, pois o Partido Popular dende o Goberno da Xunta busca co mesmo avanzar cara un modelo claramente máis concentrado en detrimento das áreas sanitarias rurais e semiurbanas.
Por exemplo, permite, con tan só a aprobación dun decreto por parte, exclusivamente, do Partido Popular dende o Executivo da Xunta, unha nova delimitación de funcións e especializacións en ditas áreas rurais, que na provincia de Lugo son as da Mariña e Lemos. O Goberno popular de Galicia ten total autonomía e potestade para continuar, deste xeito, coa concentración de servizos sanitarios nas grandes urbes, neste caso na cidade de Lugo, que iniciou coa implantación das Estruturas Organizativas de Xestión Integrada. Esta xa foi rexeitada no seu momento pola meirande parte dos profesionais do sistema sanitario e supuxo unha constatada e progresiva perda de servizos sanitarios nos hospitais comarcais de Burela e Monforte.
Con este imposto anteproxecto, as áreas sanitarias da Mariña e Lemos poden perder ata a súa condición como tal, afondar na rebaixa de servizos ou na dependencia do persoal do hospital de Lugo (HULA) nos de Burela e Monforte. Os 130.000 lucenses que pertencen a estas áreas sanitarias poderían non contar coas prestacións necesarias nos seus centros, ter que desprazarse á cidade luguesa ou gardar a ser atendidos por profesionais que se trasladan dende o HULA, minguando a calidade da súa asistencia sanitaria pública.
O Hospital da Costa atende a 70.000 persoas
O Hospital da Costa de Burela é o de referencia da área norte da provincia de Lugo, cunha poboación de 70.000 persoas, que se ve incrementada nun 50 % nos meses do verán e nas vacacións por ser zona turística. Esta área engloba aos Concellos de Ribadeo, Barreiros, Trabada, Mondoñedo, Lourenzá, Foz, Ou Valadouro, Alfoz, Cervo, Burela, Xove, Viveiro, Ourol e O Vicedo.
O Hospital Comarcal de Monforte atende a 60.000 persoas
O Hospital Comarcal de Lemos, que cobre un área sanitaria de 60.000 habitantes, abrangue aos Concellos de Monforte, O Saviñao, Sober, Pantón, Chantada, Bóveda, Carballedo, Folgoso do Courel, Quiroga, Ribas do Sil, A Pobra do Brollón e O Incio.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
