Lugo, 26 de setembro de 2017.- O Grupo Provincial do PP ve “sospeitoso” que traballadores en prácticas da Deputación de Lugo integrasen listas electorais do PSOE e que no proceso de selección fose determinante a entrevista persoal.
Estas circunstancias levaron aos populares a absterse esta mañá ante a proposta do equipo de Goberno da institución provincial sobre as retribucións do persoal temporal en prácticas. Dende o Grupo Popular consideran que estes feitos xeran “certa desconfianza e invitan, cando menos, á reflexión”.
Os populares defenden que os traballadores en prácticas deben recibir unha remuneración da institución polas tarefas que están a prestar na Deputación, pero tamén consideran que “non se debe abusar da práctica de acudir a este tipo de contratos para que os seleccionados cubran as tarefas que deberían ser desempeñadas por persoal funcionario con praza na RPT”.
Polo tanto, dende o Grupo Popular advirten desta situación, critican que se poida abusar deste proceso de contratación de persoal en prácticas para cubrir tarefas de funcionarios e máis censuran que se poida chegar a utilizar este mecanismo para que “a xente vinculada politicamente entre pola porta de atrás”.
Indicios claros de fraccionamento de contratos
En relación coa conta xeral do Orzamento corresponde ao ano 2016 o deputado Demetrio Salgueiro felicitou ao servizo de Intervención, pero advertiu da existencia dun informe no que figuran indicios claros de fraccionamento de contratos, especialmente os que se refiren á Granxa Gayoso Castro cos mesmos conceptos e próximas no tempo por importe de 294.000 euros.
Explicou que este informe foi entregado aos servizos afectados para alegacións e a mesma Granxa Gayoso Castro non respondeu a esta petición de alegacións. “Isto quere dicir a simple vista que a granxa está levando unha xestión deficiente ou moi deficiente xestionándose como unha vivenda particular ou taberna de aldea máis que como unha institución que manexa parte importante dos fondos desta institución, polo que pedimos que haxa unha aclaración a este respecto”, sinalou.
Desde o PP indican que estas facturas fraccionadas superan o contrato menor e implican unha mala xestión. “O informe será mandado ao tribunal de contas e esperaremos, pero pedimos que se xestione dunha forma máis eficiente porque a maioría son gastos que se sabe que vai haber que habería que mellorar esta xestión”, resumiu o deputado.
O popular aclarou que o fraccionamento do contrato é unha irregularidade e unha ilegalidade, “entón son contratos feitos como contratos menores de traballos que podían ser programados. Sábese que hai que realizalos, non son unha emerxencia e poderían ser programados e sacalos a concurso público como procedería neste caso”, expuxo.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
