Lugo, 26 de setembro de 2015.- O Grupo Provincial do PP consegue a unanimidade do Pleno da Deputación para que os bombeiros se rexan por unha xestión directa, o que permitirá que sexan traballadores públicos e poida facerse efectiva a equiparación salarial que demandan.
Os populares lamentaron que se o PP non trouxera unha proposta ao Pleno no mes de xuño e o presidente do Consorcio o metera na orde do día na reunión de onte, non estaríamos aquí. Explicaron que a resposta do PP é clara: sí a dignificar e á xestión directa para que teñan esa condicións de traballadores públicos e que cobren igual.
Desde o PP sinalaron a importancia de manter esta moción, posto que cando foi presentada os acordos que se demandan non estaban aínda confirmados polo Pleno do Consorcio, cuxa reunión se celebrou onte. Agradecen que as administracións sumaran esforzos en 2011, o que trouxo consigo que a provincia teña un magnífico servizo, moi ben valorado pola cidadanía.
“En 2011 tomouse unha decisión importante e agora é o momento de mover ficha e o PP xa se posicionou en diferentes plenos con valentía e fixemos unha aposta clara por recuperar a xestión directa e que o servizo o presten as institucións para equiparar a todos os bombeiros, o que redundará na calidade do servizo”, engaden.
Desde o PP lamentan que o Goberno socialista da Deputación non tivera a axilidade desde que existe a parte consignada no Orzamento da Deputación Provincial de Lugo de 2017 para a equiparación salarial dos bombeiros, porque se o tiveran posto en coñecemento do Consorcio xa o terían cobrado. “Se conseguimos acelerar os pasos para ir á xestión directa no ano 2019 e conseguimos funcionalizar o servizo van gañar e cobrar o mesmo. Axilice, recupere a súa condición de traballadores públicos e que cobren todos igual”, reclamaron os populares.
Garantir que as empresas cumpren o seu contrato
Por último, desde o PP insistiron en que o Consorcio Provincial de Lugo para a prestación do servizo Contra Incendios e Salvamento vixíe e esixa o cumprimento por parte das empresas adxudicatarias das condicións do prego e das melloras achegadas no seu día para optar á xestión do servizo dos parques de bombeiros.
Os populares trasladaron esta petición ante a información que teñen achegado os traballadores que fai sospeitar que as empresas adxudicatarias están a incumprir o prego de condicións e as melloras por elas presentadas para optar á xestión do servizo.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
