Foz (Lugo), 30 de outubro de 2017.- A Xunta de Galicia, a través da Consellería de Medio Ambiente e Ordenación do Territorio, vén de rematar as obras de remodelación integral e reorganización do tráfico da Avenida da Mariña, en Foz, que supuxeron un investimento total de 590.000 euros.
Trátase dunha actuación executada dentro do Plan Hurbe nunha das principais vías de acceso e centro neurálxico da actividade comercial e económica da vila, polo que estes traballos supoñen unha mellora na calidade de vida dos veciños, que recuperan, deste modo, un espazo público de integración. Así o manifestou a responsable do departamento autonómico, Beatriz Mato, tras visitar a zona xunto co rexedor local, Javier Jorge Castiñeiras, a quen lle trasladou a importancia de fomentar a cooperación institucional co obxectivo de avanzar “xuntos” cara a un urbanismo responsable, sustentable e participativo.
Durante a súa visita a conselleira de Medio Ambiente e Ordenación do Territorio destacou o bo ritmo dos traballos, que permitiron finalizar a execución seis meses antes do previsto. Deste xeito, os veciños xa poden facer uso das novas zonas habilitadas para aparcamento, espazos verdes e peonís. Igualmente, salientou as melloras realizadas tanto no eido da seguridade viaria e reorganización do tráfico, así como na recuperación dos espazos públicos de integración co fin de acadar unha contorna urbana de calidade.
Así, dotouse a Avenida da Mariña de novo mobiliario urbano, renovouse a iluminación, e executouse unha nova pavimentación das beirarrúas e as calzadas para evitar os desniveis e lograr unha mellor accesibilidade. Tamén se aumentaron as zonas verdes mediante a creación dun paseo arborizado e se estableceron novos espazos de estancia para os peóns. Por último, dotouse a rúa de zonas de aparcamento en fila cun ancho de 2,5 metros a ambos laterais da vía, agrupados en 3 ou 4 prazas e intercalando illotes co fin de evitar a masificación de vehículos.
Actuacións en Lugo
En definitiva, unha actuación de mellora e reordenación do tráfico enmarcada no Plan Hurbe, que supuxo o financiamento dun total de 31 actuacións na provincia de Lugo cun orzamento superior aos 28 millóns de euros desde a posta en marcha en 2010. Este esforzo inversor levouse a cabo na totalidade do territorio galego, como amosan as 157 actuacións en 114 concellos e un orzamento de 123 millóns de euros.
Tal e como explicou a conselleira de Medio Ambiente e Ordenación do Territorio, o Plan Hurbe naceu cun triplo obxectivo: facilitar a humanización das vilas galegas, impulsar a cooperación entre as administracións e promover o reequilibrio territorial na nosa Comunidade.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
