Burela 15-10-17. O PRB Reafirmou esta tarde en Lugo a súa solidez defensiva como equipo menos goleado de Segunda un Pescados Rubén que volveu deixar a cero a súa portería nunha vitoria, ante o Prone (0-4), encauzada con grande eficacia no primeiro período, con goles de Renato, Matamoros e Chus. O cuarto triunfo consecutivo, nun encontro duro, outórgalles aos de Juanma Marrube o liderado de Segunda, empatados a 12 puntos con Bisontes Castellón, FC Barcelona Lassa B e FS Valdepeñas.
Renato puxo por diante os da Mariña xa no minuto 4, unha vantaxe que ampliaron Matamoros, no 7, de falta, e Chus, en recuperación, antes de cumprirse a medianía do primeiro acto. Coa superioridade tras a expulsión de Óscar Iglesias (minuto 10), os laranxas dispuxeron de ocasións, aínda que sen acerto finalizador. Este dominio do marcador fixo dano nas filas locais, que apenas xeraron perigo sobre a rede custodiada por Álex. Oficio e orde foron os principais estandartes do Pescados Rubén Burela FS para saber xestionar a renda colleitada antes do descanso. A falta duns seis minutos para o descanso, o Prone apostou por xogo de cinco, co idéntico contraataque dos burelistas. O definitivo 0-4 subiu ao electrónico na recta final con firma de Matamoros, en cinco para catro.
Ficha técnica
Prone Lugo: Óscar Iglesias, Castilla, Porto, Javaloy, Javito, cinco inicial; tamén xogaron Sergio Vela, Manuel V., Nazareno, Villoria, Pablo, Crivi, Adrián
Pescados Rubén Burela FS: Álex, Hélder, Luisma, Chus, Renato, cinco inicial; tamén xogaron Matamoros, Pope, Víctor, Colacha
Goles: 0-1, minuto 4, Renato; 0-2, minuto 7, Matamoros; 0-3, minuto 9, Chus; 0-4, minuto 38, Matamoros
Árbitros: Menéndez Nistal // Vilas López (Galicia). Por Prone vermella a Óscar Iglesias (minuto 10), amarela a Javito, Porto, Crivi, Javaloy. Por Burela amarela a Chus, Matamoros, Pope.
Incidencias: Partido correspondente á xornada 5 de Segunda LNFS disputado no Pavillón Municipal de Deportes de Lugo
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
