BURELA, 31 de outubro de 2017.- O Grupo Municipal Popular (GMP) de Burela advirte que a relación de postos de traballo (RPT) que o alcalde anunciou “a bombo e platillo como un marco que convertiría as relacións concello-empregados municipais en excelentes” segue, case que ano e medio despois, sen ser presentada aos representantes dos traballadores e, polo tanto, sen ser discutida. A adxudicación da realización do documento fíxose a principios de xuño de 2016, cun presuposto total de 16.280’55€ , e en principio o prazo de entrega do mesmo era de tres meses.
Os populares afirman que “o transcorrir da RPT é outro exemplo máis da vagancia do alcalde e do seu equipo”. “Ademais de vagos, son mentirosos, porque eles mesmos anunciaron en xuño de 2016 que a finais dese mesmo ano o documento estaría rematado, ou sexa, hai un ano. A día de hoxe, de terse rematado, que o dubidamos, o documento ou é rematadamente malo, ou non beneficia a quen o goberno municipal pretende beneficiar, porque non se atreven a presentalo”, afirman.
Os edís do PP manifestan “estar decepcionados”, pois, “con tres sindicalistas de talla no goberno municipal, resulta que non son capaces nin de facer a RPT e moito menos de consensuala cos representantes dos traballadores”. Neste senso, recoñecen que agardaban máis capacidade negociadora, como cando se incluíu no convenio dos empregados municipais que o tempo mínimo para o café será de vinte minutos; “todo un alarde de complacencia sindicalista”, indican.
Desde este Grupo lembran que “para esta viaxe, non facía falta tanta presenza mediática como tivo o alcalde no seu día. Era suficiente coller a que deixou feita o PP en 2015 e adaptala, xa que así aforraríanse máis de 16.000 €. Deste xeito, segue en vigor a que tamén fixo o PP en 2006, e que foi criticada hasta a saciedade polo PSOE”, destacan.
Finalmente, os populares queren facerlle chegar á cidadanía que, “como a RPT, así están todas as cousas importantes no Concello. Se non están paradas, acumulan enorme retraso”. Esta situación é a que leva aos populares a concluír que “o Goberno municipal camiña sen un modelo de Concello, só ao que digan os impulsos. Todo vai demasiado lento, si é que vai, porque hai asuntos que se anunciaron na prensa dos que nada se sabe nin nada hai sobre os mesmos”, sentencian.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
