Lugo, 17 de novembro de 2017.- A Delegación Territorial da Xunta en Lugo acollerá os vindeiros días 22 e 23 senllos cursos sobre turismo accesible organizados por Turismo de Galicia e dirixidos ás empresas turísticas e a outros axentes do sector.
As xornadas pretenden resolver as dúbidas sobre a normativa aplicable, os servizos que se deben prestar ou as vías de promoción e comercialización da oferta de turismo accesible, entre outros aspectos. Poden participar empresarios turísticos e persoal de organismos, entidades de promoción turística e oficinas de turismo, entre outros.
Así, o mércores 22 celebrarase o curso “Turismo accesible e atención ao cliente con discapacidade e outras necesidades diversas”. O obxectivo é dar a coñecer as vantaxes económicas e sociais que o turismo accesible lle ofrece ao sector así como poñer en valor as necesidades que se deben cubrir para conseguir a plena integración das persoas con discapacidade no uso das infraestruturas e servizos turísticos.
O xoves 23 impartirase o curso “Normativa e avaliación da accesibilidade”, que ofrecerá aos participantes ferramentas para que saiban auto-diagnosticar a accesibilidade dos seus establecementos e destinos co fin de ofrecer aos turistas ou visitantes unha información obxectiva e veraz.
Tamén adquirirán coñecementos para a mellora da accesibilidade nas súas instalacións e servizos, e orientacións sobre pautas de comportamento que deben seguir os profesionais do sector turístico á hora de ofrecer os seus servizos a un turista con discapacidade.
Os cursos son totalmente gratuítos e celebraranse en horario de mañá e tarde no segundo andar do Edificio Administrativo da Xunta.
A inscrición online está aberta para todos os interesados na páxina web de Turismo de Galicia:
http://www.turismo.gal/espazo-profesional/calidade-turistica/cursos-de-formacion?langId=gl_ES&content=curso_0040.html
http://www.turismo.gal/espazo-profesional/calidade-turistica/cursos-de-formacion?langId=gl_ES&content=curso_0041.html
Destacou o labor da asociación xuvenil A Rumboia, que en poucas edicións converteu o evento nun referente cultural da Terra Chá e nun motor para o turismo e a economía local. O cartel inclúe Caamaño & Ameixeiras, Ulex, La Txama, Boyanka Kostova, Bea Fernandes e Lucasiito B2B Somiiux. Haberá tamén actividades para todas as idades —xogos, obradoiros, contacontos e artesanía— no campo da feira de Gontán, con entrada gratuíta.
O Parque María Cristina da Caridá volverá encherse de oficios, sabores, música e tradición os próximos días 4 e 5 de xullo
Son 15 os postos instalados nos que os asistentes poderán atopar complementos de moda e téxtis, marroquinaría, xoiaría, teas, sombreirería, bixutaría, xoguetes ou esmaltes. Esta feira está percorrer diversas localidades e cidades galegas para dar a coñecer o traballo dos artesáns galegos. Polo recinto pasaron o alcalde, Dani Vega, e a concelleira de Comercio e Turismo, Marta Saiz.
Desde o pasado martes desenvolvéronse distintas competicións deportivas, entre elas os tradicionais torneos 3x3 de fútbol e baloncesto e un campionato de xadrez, nos que participaron preto de 300 mozos e mozas. Villares sinalou que esta convocatoria “é xa un clásico na vila e axuda a proxectar a oferta do Espazo Xove, un punto de encontro para a mocidade que ao longo de todo o ano ofrece distintas propostas de lecer, formación e participación adaptadas aos seus intereses”.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O delegado gabou o traballo realizado polo Motoclub A Cadeira para dar continuidade a esta proposta logo do éxito do pasado ano, “deixando claro desde a primeira convocatoria o seu poder de atracción e o importante papel de dinamización económica e social que xogan iniciativas deportivas e lúdicas como esta”. Na programación destacan a subida nocturna hoxe ao monolito da Cadeir a, os simuladores de pilotaxe de moto GP e a exhibición de Stunt3Show mañá, ou unha ruta turística o domingo. Ademais, haberá sesións vermú, música en directo, sorteos de premios, acampada gratuíta -cuberta e exterior- e food trucks, entre outras actividades.
A edición deste ano incorpora un novo formato organizativo: as sesións vermú ampliaranse a tres horas na Praza da Constitución e todas as verbenas trasladaranse ao Campo da Feira para mellorar a loxística e facilitar a montaxe dos espectáculos, especialmente nun ano con formacións de gran formato. O programa musical combina orquestras, grupos e DJs para públicos de todas as idades, con citas destacadas como Panorama City, Paris de Noia, Los Satélites, Costa Dorada ou a xira campestre con diferentes propostas ao longo de varios días. Desde o Concello subliñan que as festas son un espazo de encontro para a veciñanza e para quen regresa a Vilalba nestas datas, e que o obxectivo é ofrecer unha programación equilibrada e pensada para que cada persoa atope o seu lugar nunhas patronais que forman parte esencial da identidade da vila.
