Lugo, 10 de novembro de 2017.- A Xunta de Galicia inviste este ano, a través de Turismo de Galicia, máis de 2,8 millóns de euros en obras de mellora, recuperación e promoción das rutas xacobeas na provincia de Lugo.
O delegado territorial da Xunta en Lugo, José Manuel Balseiro, subliñou que o compromiso do Goberno galego co Camiño de Santiago “tradúcese nun relevante esforzo orzamentario para mellorar as rutas e tamén en iniciativas vinculadas á mellora dos servizos que prestamos aos que nos visitan, a través de obras na rede pública de albergues”.
Balseiro relacionou o conxunto dos investimentos rematados ou en execución no presente exercicio, aos que se engaden outras actuacións que se desenvolven a través de convenios, como o que asina a Xunta co Bispado de Lugo para a apertura das igrexas no Camiño, por importe de 129.000 euros.
Igualmente, Turismo de Galicia asina convenios de carácter plurianual cos concellos galegos do camiño francés, que suman un investimento de máis de 1,1 millóns de euros e van dirixidos a promover actuacións de mellora e mantemento, de atención e información ao peregrino e de promoción desta ruta, así como á creación dun itinerario gastronómico.
O delegado sinalou que “na Xunta estamos xa traballando arreo para chegar á próxima cita histórica en óptimas condicións. Ante nós o gran reto ten nome e apelidos: O Xacobeo 2021”, e animou “ao resto de administracións e a todos os colectivos a traballar conxuntamente para saber aproveitar o potencial das rutas xacobeas lucenses, a fomentar accións innovadoras no eido do turismo cultural e a estimular o coñecemento do noso patrimonio”.
Relación de obras
O delegado territorial citou as obras de mellora máis relevantes que se executaron este ano. Así na ruta do interior do Camiño Primitivo executáronse traballos no treito da Fonsagrada, por importe de 364.923 euros; no treito Baleira-Fonsagrada-Castroverde, por 357.864 euros; e no treito desde Castroverde ata Melide, por 371.228 euros.
No Camiño Norte, na ruta da Costa, están rematados traballos no treito Ribadeo-Lourenza-Trabada, por importe de 358.634 euros; nos concellos de Mondoñedo, Vilalba, Lourenzá e Abadín, por 476.848 euros, e entre Guitiriz e Friol por importe de 453.119 euros.
Pola súa banda, está en execución o proxecto de construción de subministro e colocación de placas de latón nas mouteiras como elemento de información nas diferentes rutas, no que se invisten 149.619 euros.
Na rede de albergues as actuacións máis relevantes son o equipamento da Casa Pasarín, na Fonsagrada, ao que se destinaron 41.835 euros e co que se completou o proxecto de rehabilitación e posta en funcionamento deste albergue, acometido nos últimos meses por Turismo de Galicia cun investimento global de case 700.000 euros.
Cabe citar tamén as melloras na Casona de Triacastela, por preto de 60.000 euros; ou o investimento para poñer en marcha a Casa de Friol, por 157.675 euros, e outras obras de menor contía en Sarria e no albergue Mato Casanova de Palas de Rei.
Foi baixo o título: Coñece os teus dereitos como consumidor, enmarcado nesta ocasión nunhas xornadas participativas nas que se abordarán neste mes de maio temas moi interesantes para o consumidor baixo o epígrafe "Consumo en Ruta" en colaboración coa Xunta de Galicia e da asoc. Xubilados Terramar. As próximas charlas serán os martes 20 e 27 de maio, no local social da asoc. de Xubilados Terramar, na Casa do Mar.
Co gallo do día das Letras Galegas, levarase a cabo un Obradoiro de oralidade das mulleres. Empregaranse as ferramentas do ciclo do ano e ciclo vital e farase percorrido polos cantares de tradición oral e os contextos nos que se producen. Branca Mª Villares Naveira dirixe este obradoiro; ela é docente de música tradicional galega na especialidade de canto e as percusións de man, con mais de 25 anos de bagaxe na investigación, tamén é divulgadora da tradición oral das mulleres galegas. Terá lugar este xoves, día 15 de maio no Salón de Actos do centro ás 16:30 horas. Máis información e matrícula: https://
Na presentación do cartaz participou o alcalde, Demetrio Salgueiro, acompañado das concelleiras Dolores, Cristina e Tamara e dos membros da Comisión de festas Benigno, Carlos, Borja e Dalmacio. Todxs convidan a veciños/as e visitantes a desfrutar deste día de alegría e facelo vestidxs de branco.
Este xoves 15 de maio, ás 20:30h na Libraría Bahía de Foz celebrarán as letras galegas coa presentación do libro 'Bóveda, memoria do lugar' a cargo do seu autor, Óscar Górriz. Trátase dun libro de recollida etnográfica e musical con textos e fotografías. Haberá tamén música de pandeireta arrufando a presentación. Ademais o venres haberá un 10% de desconto en todos os libros escritos en galego, para celebrar as nosas letras e promover a compra de libros na nosa lingua.
A mañá do domingo 18 Guía tu día organiza a ruta da Seimeira no concello da Pontenova. "Unha interesante andaina de 9km circular e de dificultade media ubicada na parroquia de Bogo, onde descubriranse as pintorescas aldeas de Vilarxurbín e Sanxés, varios miradores e a seimeira. Ademais das Fragas de Teixido e Sanxés que son espectaculares" comenta a guía. A xornada rematará cunha comida no restaurante O Lar de Balbina. O prezo da ruta guiada é de 10€ e 20€ a comida. O grupo está limitado a 20 persoas. Máis información e reservas no 654 99 68 57 ou guiatudia@gmail.com.
Na presentación, este luns, participou Leandro Quelle e Rubén Rubiños como membros da Asociación Equina A Medela, organizadora da feira, acompañados polo alcalde, Demetrio Salgueiro, e a concelleira de agricultura, Dolores Meitín. Dende o Concello de Xove convidan a toda a veciñanza e tamén a todos aos afeccionados/as ao mundo do gando a que se acheguen disfrutar dunha xornada familiar dende as 9.30, con importantes premios e sorteo dun poldro.
Bruno Arca, alumno de 1º Ciclo Medio de Cociña, acadou un 4º posto no Combiguru Challenge celebrado en Venecia os días 8 e 9 de maio. O concurso consiste en realizar unha serie de probas na APP da compañía, famosa polos seus fornos. Os seleccionados van a Venecia para participar no concurso no cal teñen que preparar un prato e unha sobremesa durante tres horas, sempre empregando os fornos da marca. Os dous días de concurso inclúen visitas guiadas pola cidade de Venecia e formacións con cociñeiros de prestixio como Paolo Casagrande, do Restaurante Lasarte de Barcelona con tres estrelas Michelin.
