Ourense, 27 de novembro de 2017.- O conselleiro de Economía, Emprego e Industria, Francisco Conde, adiantou hoxe que o vindeiro ano a Xunta vai aprobar un plan estratéxico para o sector forestal. Segundo salientou, o obxectivo é identificar as oportunidades que ofrece a industria da madeira en Galicia e incrementar o seu uso en sectores como o da construción ou o deseño.
O conselleiro inaugurou esta mañá en Ourense a xornada Industria Forestal en Galicia: retos e oportunidades, onde puxo de manifesto a aposta do Goberno galego por revalorizar a cadea monte-industria. Conde referiuse ás posibilidades que ofrece o sector forestal ao redor dun recurso tan abundante en Galicia como é a madeira e a industria que se move en torno a ela; desde a primeira á segunda transformación. E asegurou que no aproveitamento dos recursos forestais está a mellor fórmula para loitar contra o abandono do monte e para facelo máis produtivo.
“Este plan estratéxico vai recoller as medidas necesarias para dar un pulo á industria forestal, mellorando a innovación tecnolóxica, a modernización da industria e as diferentes iniciativas que a poden facer competitiva desde o punto de vista de novos mercados”, subliñou Conde.
Ademais do futuro plan estratéxico, lembrou que a Xunta traballa no deseño dun Plan de formación específico para o sector forestal adaptado ás necesidades das empresas e centrado en tres ámbitos: a explotación forestal, a primeira e a segunda transformación da madeira. É indispensable, agregou, para que todas as medias de innovación tecnolóxica que precisa a industria “poidan desenvolverse co persoal cualificado”.
A través da formación, asegurou, dáse resposta aos novos perfís profesionais que demandan as empresas desta industria. Tamén ao reto de reciclar os postos laborais que se van quedando obsoletos por causa da tecnoloxía, que fai que moitos traballadores teñan que adquirir novas habilidades para realizar funcións máis especializadas. E, en definitiva —incidiu— ás necesidades dunha industria máis moderna, innovadora e dixitalizada que é cara a onde ten que dirixirse a industria forestal.
O conselleiro remarcou que os retos e oportunidades da industria forestal en Galicia son retos e oportunidades para o rural galego. E, así, subliñou que a Xunta quere canalizalos a través da Axencia Galega da Industria Forestal, que ten como cometido principal: reforzar a competitividade e a innovación nas empresas do sector forestal, e convertelo en abandeirado da aposta da Xunta pola economía verde.
A ela incorporarase o CIS Madeira, que vai ser fundamental para acompañar as necesidades do sector, especialmente no relativo á innovación e aos novos usos da madeira.
Unha normativa para impulsar o sector
A Lei de implantación empresarial vai ser o estímulo para facer crecer o sector forestal galego desde o máximo respecto ao medio ambiente. Trae consigo unha maior axilidade administrativa que, no caso desta industria, vai permitir menos tramitación á hora de autorizar as cortas. É dicir, unha xanela única para non ter que sortear as máis de 6 fases de autorización que se precisaban ata o de agora, ou para evitar que existan diferentes procedementos de corta segundo o concello onde se solicite; o que garante unha maior igualdade de oportunidade entre os produtores.
Esta normativa tamén amplía o réxime sancionador ante calquera incumprimento e nas zonas de servidume de espazos protexidos facilita a corta de árbores non autóctonas, protexendo as que son propias da nosa xeografía.
Conde indicou que a metade da madeira que se corta en España é galega, e que a cadea monte industria representa ao redor do 2% da economía da Comunidade e o 2,3% do emprego. Este dato, asegurou, dá conta de que estamos ante un recurso natural que cómpre protexer pero do que tamén cómpre impulsar a súa vertente socio-económica porque é o mellor modo de defendelo e de ofrecer calidade de vida e progreso ao rural galego, concluíu.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
