Ribadeo, 20 de novembro de 2017. Os redactores do Plan Especial das Catedrais desprazaranse mañá, 21 de novembro, a Ribadeo para ofrecer unha exposición polo miúdo deste documento.
A axenda de xuntanzas dará comezo ás 17:30 horas no salón de plenos coa Corporación Municipal ribadense. Unha hora despois, ás 18:30 horas, terá lugar unha rolda de prensa para achegar o Plan Especial das Catedrais aos medios de comunicación. E xa ás 20:00 horas no auditorio municipal Hernán Naval será a exposición para a veciñanza que queira achegarse a coñecer este proxecto no que o Concello de Ribadeo leva moitos meses traballando.
O Diario Oficial de Galicia publicaba o pasado xoves, 16 de novembro, a súa aprobación inicial e abríase un período de 2 meses de exposición pública para o seu estudo e a posible presentación de alegacións. O alcalde, Fernando Suárez, subliñaba esa xornada que “se fai necesario ordenar todo o espazo natural da contorna das Catedrais, como se fai nos grandes centros de atracción medioambiental na Europa moderna e avanzada, onde nos queremos mirar. Iso, nin máis nin menos, é o que pretende este documento. Quere mellorar a conservación do patrimonio natural e da biodiversidade, mellorar e regular o tránsito das vías de comunicación, dos elementos de urbanización inadecuados e dos impactos visuais notables. E tamén visto o forte incremento de visitantes que experimentou nos últimos anos, hai que ter en conta que no 2016 houbo máis de 570.000 visitantes na praia, con expectativa de maior afluencia aínda, require da instauración de medidas para garantir un modelo turístico sostible”.
De todo isto se falará nas xuntanzas de mañá, martes. O rexedor fai unha chamada á veciñanza para que se achegue ao acto que se celebrará no auditorio municipal a partir das oito da tarde.
Este martes será presentado á corporación municipal, á veciñanza e aos medios de comunicación o plan especial das Catedrais
Relacionado
A interrupción do servizo está prevista entre as 8.00 e as 19.00 horas con motivo dos traballos de conexión á nova obra de saneamento que se está a executar na contorna. Trátase dunha intervención necesaria para avanzar na mellora das infraestruturas e dos servizos básicos na zona.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A presidenta do Consello da Cultura Galega, Rosario Álvarez, destacou o carácter participativo da iniciativa, organizada xunto á Xunta e co apoio do Concello. O director xeral de Cultura, Anxo Lorenzo, puxo en valor o traballo colectivo e a implicación das novas xeracións. O concerto estivo dirixido por Maximino Zumalave, coa formación Hércules Brass e Rosa Aneiros como mantedora. Ademais, anunciouse que a próxima edición estará dedicada a Xosé Neira Vilas.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A comunidade educativa convida especialmente a antigos alumnos, mestres e familias a participar nesta xornada de reencontros e lembranzas.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos. 
