Burela 27-11-17. O Pescados Rubén Burela FS saíu vencedor no duelo directo na visita de Jimbee Roldán FSF a Vista Alegre (4-0) ofrecendo goles e boa imaxe. “É unha vitoria moi importante non só polo resultado senón tamén polo xogo. Xeramos moitísimas ocasións, houbo unha boa defensa, o equipo estivo moi serio e, sobre todo, as sensacións que nos quedan son moi gratas para o parón de liga. Vimos un Burela moi competitivo e sobre todo moi serio durante os corenta minutos, co valor engadido de deixar a portería a cero”, explicaba o técnico Julio Delgado.
“Fixemos unha gran defensa ante un rival con soltura e boas transicións; conseguimos telas bastante maniatadas, aínda que loxicamente tiveron as súas ocasións” recordaba o técnico dun encontro no que xa avantaxaban ás murcianas no descanso por 3-0 e no que non baixaron os brazos ata a bucina final: “O noso equipo foi ambicioso, ata na segunda parte seguiu atacando e soubo gardar o resultado moi ben” puntualizaba Julio Delgado, dando un paso adiante dende o revulsivo do derbi galego: “A seriedade que xa se demostrou en Poio á hora de defender, fíxolle reaccionar ao grupo; víronse capaces de competir e superar adversidades, sacar os partidos adiante sen recorrer á porteira xogadora, como ocorreu nas primeiras xornadas”.
Estes tres puntos asentan as laranxas na segunda praza (28 puntos) seguindo ao Atlético de Madrid Navalcarnero (30), con dúas semanas de descanso en Primeira RFEF, polo Torneo Internacional IV Nacións que enfrontará a España, Italia, Rusia e Portugal en Guadalaxara entre o 8 e o 10 de decembro. “Axudaranos a recuperar a xogadoras que levan moitos minutos acumulados, traballar novidades en táctica e estratexia para o próximo ano e introduciremos algo máis de traballo físico para acabar ben o ano, coas dúas saídas, a Leganés e Ourense” explicaba Julio Delgado esperando dar continuidade á boa dinámica burelista no regreso da competición.
Destacou o labor da asociación xuvenil A Rumboia, que en poucas edicións converteu o evento nun referente cultural da Terra Chá e nun motor para o turismo e a economía local. O cartel inclúe Caamaño & Ameixeiras, Ulex, La Txama, Boyanka Kostova, Bea Fernandes e Lucasiito B2B Somiiux. Haberá tamén actividades para todas as idades —xogos, obradoiros, contacontos e artesanía— no campo da feira de Gontán, con entrada gratuíta.
O Parque María Cristina da Caridá volverá encherse de oficios, sabores, música e tradición os próximos días 4 e 5 de xullo
Son 15 os postos instalados nos que os asistentes poderán atopar complementos de moda e téxtis, marroquinaría, xoiaría, teas, sombreirería, bixutaría, xoguetes ou esmaltes. Esta feira está percorrer diversas localidades e cidades galegas para dar a coñecer o traballo dos artesáns galegos. Polo recinto pasaron o alcalde, Dani Vega, e a concelleira de Comercio e Turismo, Marta Saiz.
Desde o pasado martes desenvolvéronse distintas competicións deportivas, entre elas os tradicionais torneos 3x3 de fútbol e baloncesto e un campionato de xadrez, nos que participaron preto de 300 mozos e mozas. Villares sinalou que esta convocatoria “é xa un clásico na vila e axuda a proxectar a oferta do Espazo Xove, un punto de encontro para a mocidade que ao longo de todo o ano ofrece distintas propostas de lecer, formación e participación adaptadas aos seus intereses”.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O delegado gabou o traballo realizado polo Motoclub A Cadeira para dar continuidade a esta proposta logo do éxito do pasado ano, “deixando claro desde a primeira convocatoria o seu poder de atracción e o importante papel de dinamización económica e social que xogan iniciativas deportivas e lúdicas como esta”. Na programación destacan a subida nocturna hoxe ao monolito da Cadeir a, os simuladores de pilotaxe de moto GP e a exhibición de Stunt3Show mañá, ou unha ruta turística o domingo. Ademais, haberá sesións vermú, música en directo, sorteos de premios, acampada gratuíta -cuberta e exterior- e food trucks, entre outras actividades.
A edición deste ano incorpora un novo formato organizativo: as sesións vermú ampliaranse a tres horas na Praza da Constitución e todas as verbenas trasladaranse ao Campo da Feira para mellorar a loxística e facilitar a montaxe dos espectáculos, especialmente nun ano con formacións de gran formato. O programa musical combina orquestras, grupos e DJs para públicos de todas as idades, con citas destacadas como Panorama City, Paris de Noia, Los Satélites, Costa Dorada ou a xira campestre con diferentes propostas ao longo de varios días. Desde o Concello subliñan que as festas son un espazo de encontro para a veciñanza e para quen regresa a Vilalba nestas datas, e que o obxectivo é ofrecer unha programación equilibrada e pensada para que cada persoa atope o seu lugar nunhas patronais que forman parte esencial da identidade da vila.
