Barreiros, 28 de novembro de 2017. O grupo municipal do BNG preguntou no pleno do luns a respecto de preto de dez notificacións provintes da Consellería de Medio Ambiente, do Ministerio, de Seprona e de Augas de Galicia nas que se deixa constancia de continuas actuacións que deterioran o medio ambiente.
Non obtiveron respostas desde a Alcaldía, que di “non saber a que se refiren” ningunha das notificacións e, nin sequera, as, resolucións sancionadoras. De feito, a portavoz municipal do BNG, Ana Ermida, informou que o día 20 de setembro tiveron entrada no rexistro municipal dous escritos de Augas de Galicia nos que se comunican sendos acordos de resolución de expedientes sancionadores na Barranca, en San Miguel e en Arealonga, en Reinante. “Chama a atención que Alcaldía e Concellería de Medio Ambiente descoñezan o contido duns expedientes nos que se propón sancionar ao Concello. E máis cando un deles, o de Arealonga en Reinante, é un expediente por ter desatendido un requirimento feito con anterioridade”, advirte Ana Ermida.
O BNG solicitou acceder aos expedientes aos que se refiren as notificacións para coñecer o alcance das mesmas. A formación nacionalista asegura que “a cantidade de escritos sobre incumprimentos e infracións do Concello de Barreiros en materia medioambiental dan mostra de como actúa este goberno, do respecto polo medio que teñen e, o que é máis grave, das consecuencias que a súa política está tendo, incluso, na economía municipal.”
O Alcalde pretende que outras administracións lle solucionen os problemas que el non afronta.
Desde o grupo municipal do BNG aseguran que “Alfonso Fuente e o seu equipo de goberno están situándose nunha posición victimista e cómoda tratando de escurrir a súa responsabilidade e demandando que sexan outras administracións as que actúen.”
“Desde logo que o traballo en materia medioambiental debe ser conxunto de todas as administracións, pero o que non vale é ampararse no que outras deixen de facer para non responsabilizarse de cumprir que ten o Concello”, afirma Ana Ermida. “Non poden ampararse en que outras Administracións non comprometen investimentos cando o gobeno municipal é incapaz sequera de cumprir con uns mínimos medioambientais”, conclúen.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
